ამსტერდამის "აიაქსის" შემტევმა ნახევარმცველმა და ერთ-ერთმა ლიდერმა, ჰაკიმ ზიეხმა, მიუნხენური კლუბის ინტერესზე საჯაროდ ისაუბრა.
"დიახ, "ბაიერნში" გადასვლა შესაძლებელი იყო. შემეძლო მომეთმინა, მაგრამ ჩემთვის და "აიაქსისთვის" მნიშვნელოვანი იყო, რომ ყველაფერი მალე გარკვეულიყო.
ნებისმიერ შემთხვევაში, ეს ტრანსფერი ჩემი წმინდა პრიორიტეტი არ ყოფილა", - განმარტა 26 წლის მაროკოელმა.
ჰაკიმ ზიეხს გასულ წელს "აიაქსთან" ერთად შესანიშნავი სეზონი ჰქონდა - 49 თამაშში 21 გოლი გაიტანა და 24 საგოლე გადაცემა გააკეთა.
"ბაიერნი" ზიეხს ამ ზაფხულს აკვირდებოდა, მაგრამ ჰაკიმმა გასულ კვირას ჰოლანდიურ კლუბთან ახალი კონტრაქტი გააფორმა და მიუნხენურ გრანდს საბოლოოდ უთხრა უარი.