მიუნხენური კლუბის მთავარმა მწვრთნელმა, ნიკო კოვაჩმა, "მაინცის" წინააღმდეგ (6:1) ფილიპე კოუტინიოს მოქმედებებზე ისაუბრა.
"ფილ კოუტინიოს რამდენიმე კარგი მომენტი ჰქონდა, განსაკუთრებით ბურთით.
ვიცით, რომ ის ჯერ ბოლომდე არაა მზად, ამიტომ მხოლოდ 60-70 წუთით ვგეგმავდით მის დატვირთვას.
მისი თამაშით კმაყოფილი და ბედნიერი ვარ", - განაცხადა ხორვატმა სპეციალისტმა.
27 წლის ბრაზილიელმა გუშინ თავისი პირველი მატჩი ჩაატარა ძირითადი შემადგენლობიდან და მოედანზე 67 წუთი დაჰყო.
კოუტინიო ბურთს 49-ჯერ შეეხო, 30 (26 ზუსტად) გადაცემა გააკეთა, 6 ორთაბრძოლა მოიგო და 8.69 კილომეტრი დაფარა.