ზაფხულის სატრანსფერო ფანჯრის ბოლო დღეებში მიუნხენის "ბაიერნი" ახალგაზრდა გერმანელი გარემარბის, ლეროი სანეს, გადაბირებას საბოლოოდ შეეცდება.
სანეს ტრანსფერი "რეკორდმაისტერს" თითქმის ბოლომდე ჰქონდა მიყვანილი, როდესაც ლეროიმ სერიოზული ტრავმა მიიღო და ამის გამო "ბაიერნმა" უკან დაიხია.
თუმცა მიუნხენური გრანდის ბოსების ინტერესი იმდენად მაღალია, რომ "ბაიერნი" მზადაა "სიტის" კიდევ ერთი წინადადება შესთავაზოს და სანეს გამოჯანმრთელება თავის თავზე აიღოს.
ცნობილი ბრიტანული გამოცემა "The Mirror" იტყობინება, რომ დღეს და ხვალ გერმანული გრანდის ბოსები ინგლისურ კლუბს კიდევ ერთხელ დაუკავშირდებიან.
23 წლის გერმანელი შემტევის რეაბილიტაციას მინიმუმ 5-6 თვე დასჭირდება, ამიტომ მისი სატრანსფერო ღირებულება ტრანსფერის შემთხვევაში დაიწევს.