გამოცდილმა განელმა შემტევმა ნახევარმცველმა, კევინ-პრინც ბოატენგმა, თავისი ძმის, ჟერომ ბოატენგის, იტალიაში შესაძლო გადაბარგებაზე კომენტარი გააკეთა.
"მას ვუთხარი, რომ თუ შესაძლებლობა ექნება, "იუვეში" აუცილებლად უნდა გადმოვიდეს. მისი აქ ხილვა დიდებული მოვლენა იქნებოდა.
ეს ჟერომისთვის ახალი გამოწვევა, ახალი კულტურა, ახალი ენა იქნებოდა. ვფიქრობ, ეს იდეალური იქნებოდა მისთვის.
სერია ა არანორმალურად საინტერესოა, ბუნდესლიგაზე მინიმუმ ერთი თავით მაღლაა. ჩემპიონატი უფრო დაბალანსებულია, ბევრი გოლი გადის, დიდებული მწვრთნელები, ანჩელოტის და კონტეს მაგალითზე, ბრუნდებიან", - განაცხადა კევინ-პრინცმა, რომელიც "ფიორენტინას" ღირსებას იცავს.
გამოცდილი გერმანელი მცველი სატრანსფერო ფანჯრის ბოლო დღეს მიუნხენის "ბაიერნის" დატოვებასთან და ტურინის "იუვენტუსში" გადასვლასთან ახლოს იყო, მაგრამ საბოლოოდ, ჟერომი "ალიანს არენაზე" დარჩა.