მიუნხენის "ბაიერნისა" და გერმანიის ეროვნული ნაკრების გარემარბმა, სერჟ გნაბრიმ, ლეროი სანეს პოტენციურ ტრანსფერზე ისაუბრა.
"რა თქმა უნდა, მისი ტრანსფერი ძალიან მინდა, ის ჩემი კარგი მეგობარია.
ძალიან მინდა, რომ ლეროი სანესთან ერთად ერთ გუნდში ვითამაშო, ეს მხოლოდ ბედნიერებას და სიამოვნებას მომანიჭებს", - განაცხადა გნაბრიმ, რომლისთვისაც სანე პოტენციური კონკურენტია.
"რეკორდმაისტერი" ლეროი სანეს დამატებასთან ძალიან ახლოს იყო, მაგრამ ყველაფერი გერმანელის სერიოზულმა ტრავმამ ჩაშალა.
მიუხედავად ამისა, "ბაიერნი" სანეს კვლავ აკვირდება და მის გადაბირებას იანვარში კიდევ ერთხელ ეცდება.