ბალაკმა ვერნერის ბაიერნში გადასვლის შანსები შეაფასა

მიუნხენის "ბაიერნისა" და გერმანიის ეროვნული ნაკრების ყოფილმა კაპიტანმა და ნახევარმცველმა, ლეგენდარულმა მიხაელ ბალაკმა, ტიმო ვერნერის მომავალზე კომენტარი გააკეთა.

"ტიმომ კონტრაქტის გახანგრძლივებით "ლაიფციგს" თავისი ერთგულება და მიზანმიმართულობა დაუმტკიცა.

თუმცა ვფიქრობ, რომ მომდევნო წელს "ბაიერნი" ტემპერატურას კვლავ აწევს და შანსები საკმაოდ სერიოზული იქნება", - განაცხადა ბალაკმა.

23 წლის გერმანელ თავდამსხმელს "რეკორდმაისტერი" რობერტ ლევანდოვსკის პოტენციურ შემცვლელად მოიაზრებს.

იყო ვარაუდი, რომ მიუნხენელები ვერნერს მომდევნო წლის ზაფხულში უფასოდ დაიმატებდნენ, მაგრამ ტიმომ "ლაიფციგთან" მოქმედი ხელშეკრულება 2023 წლამდე გაახანგრძლივა.

ბუნდესლიგის საწყის 4 ტურში ტიმო ვერნერმა 5 გოლის გატანა მოახერხა და ბომბარდირთა დავაში მხოლოდ ლევანდოვსკის (7) ჩამორჩება.