მიუნხენური კლუბის მთავარმა მწვრთნელმა, ნიკო კოვაჩმა, დავიდ ალაბას ჯანმრთელობის მდგომარეობა შეაფასა.
"ის კარგად პროგრესირებს. მანამ, სანამ ის გუნდს შეუერთდება, მისი სარბენი ვარჯიშების ინტენსიურობა უნდა გავზარდოთ.
იმედი გვაქვს, რომ დავიდი "ტოტენჰემთან" მატჩისთვის მზად იქნება", - განაცხადა კოვაჩმა.
27 წლის ავსტრიელს ტერფის პრობლემები აქვს, მაგრამ მისი დაზიანება სერიოზული არაა.
მიუნხენური გრანდი "ტოტენჰემს" ლონდონში, ჩემპიონთა ლიგის ჯგუფური ეტაპის მეორე ტურის ეგიდით, 1 ოქტომბერს ეწვევა.