გერმანიის ეროვნული ნაკრები ერთა ლიგის მე-5 ტურის შეხვედრაში უნგრეთის ნაკრებს უმასპინძლებს.
მატჩამდე ერთი დღით ადრე, ჰანს ფლიკმა პრესკონფერენცია გამართა და ჟურნალისტების კითხვებს უპასუხა - მოგეხსენებათ, გერმანელებს კოვიდინფიცირების გამო გუნდის კაპიტანი, მანუელ ნოიერი და შუახაზელი ლეონ გორეცკა დააკლდა.
ფლიკი კაპიტნის თემასაც შეეხო და აღნიშნა, რომ ნოიერის არ ყოფნის პერიოდში, გუნდს ის მოთამაშე უკაპიტნებს, ვისაც ნაკრებში ყველაზე მეტი მატჩი აქვს ჩატარებული - ასეთი კი ტომას მიულერია (116 მატჩი).
"როცა მანუ არ არის, ჩვეულებრივ, კაპიტნის სამკლაურს ის მოთამაშე იკეთებს, ვისაც ყველაზე მეტი მატჩი აქვს ჩატარებული.", - განაცხადა ფლიკმა.
ცნობისთის, აღნიშნული შეხვედრა 23 სექტემბერს, თბილისის დროით 22:45 საათზე დაიწყება.