გრავენბერხი მანჩესტერში გადასვლასთან ძალიან ახლოს იყო - რატომ არ შედგა ტრანსფერი?

გრავენბერხის ტრანსფერით, გასულ ზაფხულს მანჩესტერ იუნაიტედი ძალიან იყო დაინტერესებული.

მეტიც, აღნიშნულ ტრანსფერში ახალგაზრდა შუახაზელს მისი ყოფილი და ამჟამად იუნაიტედის მთავარი მწვრთნელი, ტენ ჰააგიც არწმუნებდა.

წითელი ეშმაკების მწვრთნელი, 20 წლის მოთამაშეს გარანტირებულ სათამაშო დროს შეჰპირდა, თუმცა ფეხბურთელმა ბაიერნში გადასვლა დაჟინებით მოითხოვა - გრავენბერხი დარწმუნებული იყო "პროექტ ბაიერნში".

ახლა კი სულ სხვა სიტუაციაა, ბაიერნის ახალწვეულმა ESPN-თან საუბრისას, სათამაშო დროის ნაკლებობაზე გამოთქვა უკმაყოფილება, ახალგაზრდა ნიდერლანდელი იმედგაცრუებულია იმ ფაქტით, რომ აქამდე ბუნდესლიგის არც ერთი თამაში არ დაუწყია სასტარტოდან.

ცნობისთვის, გასულ ზაფხულს გრავენბერხი ბაიერნს 18.5 მილიონი ევროს სანაცვლოდ შეუერთდა და გუნდთან 5-წლიანი კონტრაქტი გააფორმა.