მიუნხენის ბაიერნის და გერმანიის ეროვნული ნაკრების შემტევმა, ტომას მიულერმა მოახლოებულ მსოფლიო ჩემპიონატზე ისაუბრა და აღნიშნა, რომ შესაძლოა გერმანიის ნაკრებმა მაგალითი რეალ მადრიდის სათამაშო სტილისგან აიღოს:
"მე ვმუშაობდი ანჩელოტისთან ერთად ბაიერნში - მადრიდის რეალი შესაძლოა იყოს ჩვენთვის მისაბაძი მაგალითი მსოფლიო ჩემპიონატზე. ისინი ყოველთვის ბრწყინვალე ფეხბურთს არ თამაშობენ, მაგრამ საკლუბო რეიტინგში მაინც მაღლა დგანან. მათ საკუთარი თავის რწმენა აქვთ და ეს არის გზა წარმატებისკენ", - განაცხადა მიულერმა.