გერმანულ მედიაში გავრცელებული ინფორმაციის თანახმად, სოციალურ ქსელებში აქტიურად იქმნებოდა მიუნხენის ბაიერნის პრეზიდენტის, ჰერბერტ ჰაინერის ყალბი პროფილები.
ფეისბუქზე განთავსებული ყალბი პროფილების უკან ამოფარებული პიროვნებები, ცდილობდნენ მოეტყუებინათ ადამიანები, რომელთაც მიაჩნდათ, რომ ბაიერნის პრეზიდენტს ესაუბრებოდნენ - ფაქტის გამოაშკარაბისთანავე აღნიშნული პროფილები წაიშალა.
კლუბთან დაახლოებულმა პირმა BILD-თან საუბარში ყალბი ანგარიშების არსებობა ოფიციალურად დაადასტურა და განაცხადა, რომ ბაიერნიც და ჰერბერტ ჰაინერიც მკაცრად გმობენ სოციალურ ქსელში განხორციელებულ თაღლითურ ქმედებებს.
კლუბი და პრეზიდენტი ყველა კანონიერად შესაძლო ნაბიჯს გადადგამენ ანგარიშების შემქმნელების წინააღმდეგ.