"დარწმუნებული ვარ, რომ მანე...", - სალიჰამიჯიჩის ვრცელი კომენტარი სენეგალელზე

მიუნხენის ბაიერნის დირექტორმა, ჰანას სალიჰამიჯიჩმა გერმანული გრანდის ახალწვეულზე, სადიო მანეზე და მის სათამაშო ფორმაზე ისაუბრა:

"სადიოს ჯერ კიდევ ცოტა დროს სჭირდება, ის ბუნდესლიგას კარგად უნდა შეეგუოს და ეს ასეც იქნება. ვიცი თუ როგორია, როცა ახალ გუნდს, სრულიად ახალ ქალაქში და ქვეყანაში უერთდები.

იუვენტუსს 30 წლის ასაკში შევუერთდი. ბაიერნთან ერთად ჩემპიონთა ლიგა, ბუნდესლიგა და გერმანიის თაის მოვიგე, მაგრამ გამოცდილ და წარმატებულ მოთამაშეებსაც კი სჭირდებათ დრო ახალ გარემოსთან შეგუებისთვის, რათა სრულად ფეხბურთზე გახდნენ ფოკუსირებული.

სადიო ჯერ ამ პროცესს ახლა გადის, მალე მისთვის ყველაფერი უფრო ნაცნობი გახდება და ამას ყველანი მოედანზე ვიხილავთ.

მას რეგულარულად ვესაუბრი, მაგრამ სივრცესაც ვუტოვებ. მან მიუნხენში თავის ისე უნდა იგრძნოს, როგორც საკუთარ სახლში.

სადიო ერთ-ერთი საუკეთესო მოთამაშეა მსოფლიოში. დარწმუნებული ვარ, მასთან ერთად კიდევ მრავალი სიხარული გვექნება.

მანეს თანაგუნდელებმა კარგად იციან, რომ ის გუნდისთვის მნიშვნელოვანი მოთამაშეა, ისნი მას ტოპ ფორმაში შესვლაში დაეხმარებიან, სანაცვლოდ კი ის ჩვენი მიზნებსი მიღწევაში დაგვეხმარება", - განაცხადა სალიჰამიჯიჩმა.