სერჟ გნაბრის ამჟამინდელი ცუდი სათამაშო ფორმა მიუნხენის ბაიერნში განხილვის საგანია - როგორც ნაგელსმანი, ასევე კლუბის ხელმძღვანელები შეშფოთებულები და დაბნეულები არიან, რომ გერმანელი შემტევი მოედანზე პროდუქტიული ვერ არის.
საკუთარ მომავალთან თვეების განმავლობაში გაურკვეველი სიტუაციის შემდეგ, გნაბრიმ ბაიერნთან გრძელვადიანი კონტრაქტი 2026 წლამდე გაახანგრძლივა, მისი მიზანი კლუბში დარჩენა და სტაბილურად მაღალ დონეზე თამაში იყო, თუმცა მიმდინარე სეზონში 27 წლის ვინგერი საპირისპიროს აჩვენებს.
ბაიერნის ხელმძღვანელობა იმედოვნებს, რომ გნაბრი ჩვეულ სათამაშო ფორმას დაუბრუნდება. ფეხბურთელს პრობლემა არც ნაგელსმანთან და არც თანაგუნდელებთან არ აქვს. მიუხედავად ამისა, მას არ მოეწონა ის ფაქტი, რომ გადამწყვეტ მატჩებში ცოტა სათამაშო დრო მიეცა.