"ყოველდღიურად სხვადასხვა რამეს კითხულობთ, მაგრამ გარწმუნებთ...", - ფლიკი ნაკრებში არსებულ ატმოსფეროზე

მსოფლიო ჩემპიონატის მე-2 ტურის მატჩში, გერმანიის ნაკრები ესპანეთს დაუპირისპირდა და ფრედ, 1:1 ითამაშა.

აღნიშნულ შეხვედრაში გოლები შეცვლაზე შემოსულმა მოთამაშეებმა, ალვარო მოროტამ და ნიკლას ფიულკრუგმა გაიტანეს.

მატჩის დასრულების შემდეგ, ჟურნალისტებთან კომენტარი ჰანს ფლიკმაც გააკეთა და ნაკრებში არსებულ გარემოზე ისაუბრა:

"ნაკრებში კარგი გარემოა, მიუხედავად იმისა, რომ თქვენ ყოველდღიურ რეჟიმში სხვადასხვა რამეს კითხულობთ.

ის, რაც გუნდმა ესპანეთის წინააღმდეგ გააკეთა, საოცარი იყო, მე ჩემი ბიჭებით ნამდვილად ვამაყობ! დავუპირისპირდით გუნდს, რომელიც შესანიშნავია საფეხბურთო თვალსაზრისით და თანაბრად ვეთამაშეთ, ამ მატჩში გუნდის მენტალიტეტი გამორჩეული იყო", - განაცხადა ფლიკმა.