"ბაიერნში ასე მოქცევა არავის შეუძლია", - კანი პავარის ბოლო დროს გაკეთებულ განცხადებებზე

საფრანგეთის ეროვნული ნაკრების და მიუნხენის ბაიერნის მცველი, ბენჟამინ პავარი ახალ გუნდში გადასვლას არ გამორიცხავს. ეს ყოველივე ფრანგმა მცველმა რამოდენიმე დღის წინ მიცემულ ერთ-ერთ ინტერვიუში დაადასტურა.

ბაიერნის ხელმძღვანელობას არ ესმის, თუ რატომ ასაჯაროვებს პავარი საკუთარ მომავალთან დაკავშირებულ სიახლეებს წინასწარ. 

"ბაიერნში ვერავინ შეძლებს მისი წასვლის პროვოცირებას განცხადებებით, განსაკუთრებით ასე საჯაროდ. ჩვენთან ყველაფერი ასე მუშაობს.

ბენჯი ცოტათი ხასიათებზეა დამოკიდებული. შეგვიძლია ფეხბურთელების ემოციები, რომლებიც ხან მაღლა, ხან ქვევით მიდიან შესაბამისად ვმართოთ.

ვფიქრობ, რომ მან კარგად იცის რაც აქვს ბაიერნში და ასევე, ჩვენც ვიცით - პავარი, როგორც ფეხბურთელი რას ნიშნავს კლუბისთვის", - განაცხადა კანმა.

როგორც გერმანული გამოცემები ირწმუნებიან, ფრანგი მცველის გაყიდვა იანვრის სატრანსფერო ფანჯარაზე გამორიცხულია.

ბაიერნის ბოსებს სურთ, რომ მსოფლიო ჩემპიონატის შემდეგ, პავართან დასხდნენ და სამომავლო გეგმები განიხილონ, თუმცა, ბოლო დროს განვითარებული მოვლენების შემდეგ, კონტრაქტის გაგრძელება ნაკლებად სავარაუდოა.