"თუ ასე გავაგრძელებთ, მოგების გზას დავუბრუნდებით", - ნაგელსმანის კომენტარი კიოლნთან მატჩის შემდეგ

ბუნდესლიგის მე-17 ტურის შეხვედრაში, მიუნხენის ბაიერნმა შინ კიოლნს უმასპინძლა და ფრედ 1:1 ითამაშა.

ანგარიში მე-4 წუთზე სხირმა გახსნა და სტუმრები დააწინაურა, რასაც მატჩის მიწურულს იოზუა კიმიხმა ულამაზესი შორეული გასროლით უპასუხა და საბოლოო ანგარიში, 1:1 დააფიქსირა.

შეხვედრის დასრულების შემდეგ, ჟურნალისტებთან კომენტარი იულიან ნაგელსმანმაც გააკეთა:

"მეორე ტაიმში უკეთესები ვიყავით. კიოლნი ღრმად იჯდა დაცვაში და ამან საქმეები გაგვირთულა. ადრე რომ გაგვეტანა გოლები, მათთვის ბევრად რთული იქნებობდა.

ის, თუ როგორ ვითამაშეთ მეორე ტაიმში, წარმოგვიდგენია ჩვენი თამაშის სტილად - დარწმუნებული ვარ, თუ ასე გავაგრძელებთ, მოგების გზას დავუბრუნდებით", - განაცხადა ნაგელსმანმა.