გნაბრი დაიცვა - მათეუსმაც სერჟის პარიზში ვიზიტზე კომენტარი გააკეთა

როგორც უკვე მოგახსენეთ, 22 იანვარს, მიუნხენის ბაიერნის ვინგერი, სერჟ გნაბრი პარიზში იმყოფებოდა, სადაც პარიზის მოდის კვირეულს დაესწრო.

ეს ყველაფერი კი იმის ფონზე, რომ ბაიერნს ორ დღეში კიოლნთან მატჩი ელოდა - საბოლოოდ, შეხვედრა ფრედ 1:1 დასრულდა.

ცოტა ხნის წინ, ამ თემაზე ჟურნალისტებთან ლეგენდარულმა ლოთარ მათეუსმაც ისაუბრა:

"თუ ეს ჩემს კონტრაქტში არ წერია და დასვენების დღე მაქვს, მაშინ შემიძლია ის ვაკეთო, რაც მინდა. ბაიერნმა კონტრაქტის შედგენისას უფრო მკაფიო მითითებები უნდა დაადგინოს - თუ ასე მოიქცევიან, მაშინ მსგავსი დისკუსიებიც არ იარსებებს", - თქვა მათეუსმა.

ასევე: "მსგავსი საქციელი ბაიერნის ხასიათში არ ჯდება", - სალიჰამიჯიჩმა გნაბრი საჯაროდ გააკრიტიკა

თამაშამდე 2 დღით ადრე, გნაბრი პარიზის მოდის კვირეულს დაესწრო - ნაგელსმანის კომენტარი