მიუნხენის ბაიერნის სენეგალელმა თავდამსხმელმა, სადიო მანემ ჟურნალისტებთან საუბრისას ბუნდესლიგაში მოთამაშე იმ ფეხბურთელებზე ისაუბრა, რომლებმაც მასზე დიდი შთაბეჭდილება მოახდინეს.
"ბუნდესლიგაში არსებობენ განსაკუთრებული მოთამაშეები და ისინი მხოლოდ ბაიერნში არ თამაშობენ. მაგალითად: კოლო მუანი, კამადა, ნკუნკუ - ისინი ფანტასტიკური ინდივიდუალური მოთამაშეები არიან.
ჩემს თანაგუნდელებს ადრეც ვიცნობდი, მათი ხარისხიდან გამომდინარე და ახლა უკვე ამას ყოველ ვარჯიშზე ვხედავ", - განაცხადა მანემ.