8 მარტს, თბილისის დროით 23:55 წუთზე მიუნხენის ბაიერნის ჩემპიონთა ლიგის 1/8 ფინალის განმეორებით მატჩში პსჟ-ს უმასპინძლებს.
მატჩამდე რამოდენიმე დღით ადრე, პარიზელთა ჩამშლელმა ნახევეარმცველმა, დანილო პერეირამ მოახლოებულ შეხვედრაზე გააკეთა კომენტარი:
"მენტალურად ვიცით, რომ იქ არ ვიყავით სადაც საჭირო იყო, მაგრამ ეს უკვე შეიცვალა. ახლა მენტალურად და ფიზიკურადაც მზად ვართ, ვფიქრობ ეს იყო, რაც წინა მატჩში დაგვაკლდა.
თუ წავაგებთ, ტურნირს გამოვეთიშებით, ხოლო გამარჯვებას თუ მოვახერხებთ, შემდეგ ეტაპზე ვკვალიფიცირდებით - ამ შეხვედრასაც ამ განწყობით უნდა მივუდგეთ. მიუნხენში ყველაფერი უნდა გავიღოთ და ისეთი განწყობით უნდა წავიდეთ, როგორც ეს მარსელის შემთხვევაში გავაკეთეთ", - განაცხადა პერეირამ.