აქვს თუ არა ჩუპოსთან კონტრაქტის გახანგრძლივებას ჰარი კეინთან კავშირი? - სალიჰამიჯიჩის კომენტარი

როგორც უკვე მოგახსენეთ, მიუნხენის ბაიერნის კამერუნელმა ფორარდმა, ერიკ მაქსიმ ჩუპო მოტინგმა გერმანულ კლუბთან კონტრაქტი 2024 წლამდე გაახანგრძლივა და დარჩენილ დროში, ის გაორმაგებულ ხელფასს მიიღებს.

პარალელურად, იანვრის სატრანსფერო ფანჯრის პერიოდში, ბაიერნი ტოტენჰემიდან ჰარი კეინის გადმობირებაზე მუშაობდა, თუმცა შეთანხმება ვერ შედგა - სწორედ ამიტომ, ბევრს მიაჩნდა, რომ ჩუპო მოტინგი ბაიერნის "გეგმა B" იყო, თუმცა ამას სისულელე უწოდო კლუბის დირექტორმა:

"პირველ რიგში, მოხარული ვართ, რომ ჩუპო გვყავს. ჯერ ვერ გეტყვით, თუ რა მოხდება ზაფხულში...

ჩუპოსთან კონტრაქტის გახანგრძლივებას ჰარი კეინთან არანაირი კავშირი არ აქვს, ეს სისულელეა, ამაზე საერთოდ არ გვიფიქრია. იმედი მაქვს, რომ ჩუპო იგივენაირად გააგრძელებს გოლების გატანას, როგორც ამას უახლოეს წარსულში ახერხებდა, დანარჩენს შემდეგ ვიხილავთ", - განაცხადა სალიჰამიჯიჩმა.