დღეს, თბილისის დროით 23:55 საათზე, ჩემპიონთა ლიგის 1/8 ფინალის განმეორებით შეხვედრაში, მიუნხენის ბაიერნი შინ პსჟ-ს უმასპინძლებს. ამ გუნდების პირველი დაპირისპირება, ნაგელსმანის გუნდის გამარჯვებით (0-1) დასრულდა.
მატჩამდე გამართულ პრესკონფერენციაზე, ნაგელსმანმა მოსალოდნელ შეხვედრაზე ისაუბრა და მესი-მბაპეს დუეტი შეაფასა:
"მესი და მბაპე მსოფლიოში ერთ-ერთი საუკეთესო დუეტია. მათ წინააღმდეგ დაცვა ადვილი არ არის. მბაპე თავდაცვითი ხაზის მიღმა სივრცეებს ეძებს, მესი კი პასების გაკეთებს ცდილობს ხოლმე - ისინი ერთად მოქმედებისას, ძალიან სწრაფერი არიან.
გარდა ამისა, მათ ირგვლივ სხვა მოთამაშეებიც არიან. ეს ადვილი არ იქნება, მაგრამ კარგად ვიცით, როგორ შევაკავოთ მესი და გავაკონტროლოთ სივრცეები იმაზე უკეთ, ვიდრე ეს პარიზში ბოლო 20 წუთის განმავლობაში მოვახერხეთ.
საბედნიეროდ, ჩვენ ასევე გვყავს შესანიშნავი მეკარე", - განაცხადა ნაგელსმანმა.