"ჯერ არ მიმიღია, მაგრამ უმჯობესი იქნება...", - დე ლიხტის კომენტარი ზომერის დაპირებულ საჩუქარზე

მოგეხსენებათ, მიუნხენის ბაიერნმა ორმატჩიან დუელში ფრანგული პსჟ 3:0 დაამარცხა და ჩემპიონთა ლიგის 1/4 ფინალში გასვლა გაინაღდა.

განმეორებითი შეხვედრის დასრულების შემდეგ, ჟურნალისტებთან კომენტარი რეკორდმაისტერის მეკარემ, იან ზომერმაც გააკეთა, რომელიც ერთ-ერთ ეპიზოდში შეცდა და მისი გადარჩენა მატიას დე ლიხტს მოუწია.

სწორედ აღნიშნულ ეპიზოდზე გააკეთა კომენტარი შვეიცარიელმა მეკარემ:

"რაც დე ლიხტმა გააკეთა, წარმოუდგენელი იყო. იმ ეპიზოდში ყველაფერი რომ არასწორად დასრულებულიყო, თამაში სხვაგვარად წარიმართებოდა.

როგორ ვაპირებ მისთვის მადლობის გადახდას? დე ლიხტის კარებთან შვეიცარიული შოკოლადით სავსე სატვირთო მანქანას დავტოვებ", - განაცხადა ზომერმა.

აუგსბურგთან მოგების შემდეგ კი დე ლიხტმა ჟურნალისტებს განუცხადა, რომ აღნიშნული საჩუქარი ჯერ არ მიუღია:

"საჩუქარი ჯერ არ მიმიღია (იცინის). ახლა კარგ ფორმაში ვართ, ამიტომ უმჯობესი იქნება თუ ბევრ შოკოლადს არ შევჭამთ", - განაცხადა დე ლიხტმა.