კოვაჩი ჩემპიონთა ლიგაზე ბიჭები მაინც სხვა მონდომებით თამაშობენ

მიუნხენური კლუბის მთავარმა მწვრთნელმა, ნიკო კოვაჩმა, ბერლინის "ჰერტასთან" მოახლოვებულ თამაშსა და საკუთარი გუნდის მიდგომაზე ისაუბრა.

"ლივერპულთან" თამაშის შემდეგ კარგ ფორმაში ვართ. ამ მატჩიდან ბევრი კარგი დასკვნის გაკეთება შეგვიძლია, განსაკუთრებით "ჰერტასთან" შეხვედრის წინ.

ჩვენ გვინდა, რომ გავიმარჯვოთ და "ბორუსიას" ქულათა რაოდენობით გავუთანაბრდეთ, თუნდაც კვირამდე.

ბუნდესლიგაშიც ისე, რომ ვთამაშობდეთ დაცვაში, როგორც "ლივერპულის" წინააღმდეგ, ჩვენს შეჩერებას ალბათ ვერავინ მოახერხებდა.

რატომ ხდება ასე? საქმე უბრალოდ მონდომებაშია. ჩვენთვის მნიშვნელობა არ აქვს მეტოქეს და ტურნირს, უბრალოდ ჩემპიონთა ლიგაზე ბიჭები მაინც სხვა მოტივაციით გადიან მოედანზე. ეს მათ გონებაშია", - აღნიშნა კოვაჩმა.

22 ტურის შემდეგ "რეკორდმაისტერი" ბუნდესლიგაში 48 ქულით მეორე ადგილს იკავებს და ლიდერ დორტმუნდის "ბორუსიას" 3 ქულით ჩამორჩება.

მეორე წრეში ნიკო კოვაჩის გუნდმა ეროვნულ ჩემპიონატში ჩატარებულ ხუთივე თამაშში გაუშვა ბურთი, სულ - 8.