გერმანიის ეროვნული ნაკრების განაცხადში ვერც მარკო როისი და ვერც მატს ჰუმელსი მოხვდნენ - აღნიშნულზე კომენტარის გაკეთება გერმანელთა თავკაცს, ჰანს ფლიკს დღევანდელ პრესკონფერენციაზე მოუწია.
"როგორც ყოველთვის ვამბობდი, ნაკრების კარი ყველასთვის ღიაა. როისს ვესაუბრე და მის სათამაშო ფორმას აქტიურად ვაკვირდებით, რაც შეეხება ჰუმელსს, ვხედავთ, რომ ის ნაკლებად თამაშობს, ხოლო შლოტერბეკი და ზულე კლუბში კარგად ასპარეზობენ", - განაცხადა ფლიკმა.
შეგახსენებთ, მარტის თვეში გერმანიის ნაკრები 2 ამხანაგურ შეხვედრას გამართავს, 25 მარტს ფლიკის გუნდი ჯერ პერუს დაუპირისპირდება, ხოლო 28-ში ბელგიის ნაკრებს.