ხელფასი ბაიერნმა უნდა უხადოს - რამდენ მილიონს იზარალებს რეკორდმაისტერი ნაგელსმანის გაშვების გამო?

მოგეხსენებათ, გუშინ გვიან ღამით ბაიერნმა მოულოდნელად მთავარი მწვრთნელი, იულიან ნაგელსმანის გაათავისუფლა, მის შემცვლელად კი უახლოეს საათებში ტომას ტუხელს წარადგენს.

როგორც იწერება, ნაგელსმანის გათავისუფლება ბაიერნს დაახლოებით 30 მილიონ ევრომდე დაუჯდება. 35 წლის მწვრთნელი ყოველწლიურად დაახლოებით 8-9 მილიონ ევრომდე იღებდა, სანამ ის ახალ კლუბს არ იპოვის, ხელფასი ბაიერნმა უნდა გადაიხადოს.

გარდა ხელფასისა, იწერება, რომ ნაგელსმანს კომპენსაციის მოთხოვნაც შეუძლია. ჯერჯერობით უცნობია, რა გადაწყვეტილებას მიიღებს ახალგაზრდა სპეციალისტი.

ასევე, კლუბს ნაგელსმანის ასისტენტებიც ტოვებენ, რომელთა საერთო ანაზღაურება დაახლოებით 5 მილიონ ევრომდე იყო, ისევე როგორც ნაგელსმანს, კლუბმა მათაც უნდა გაუგრძელოს ხელფასის გადახდა.

ცნობისთვის, ნაგელსმანსა და ბაიერნს შორის არსებულ კონტრაქტს ვადა 2026 წლის ზაფხულში გადიოდა.

გირჩევთ: ცნობილია - რამდენ წლიან კონტრაქტს გააფორმებს ტუხელი ბაიერნთან?