მოგეხსენებათ, გუშინ გვიან ღამით ბაიერნმა მოულოდნელად მთავარი მწვრთნელი იულიან ნაგელსმანის გაათავისუფლა, მის შემცვლელად კი უახლოეს საათებში ტომას ტუხელს წარადგენს.
35 წლის სპეციალისტის გუნდიდან გაშვებაზე კომენტარი ბაიერნის ყოფილმა და ამჟამად გერმანიის ნაკრების მთავარმა მწვრთნელმა, ჰანს ფლიკმა გააკეთა:
"რა თქმა უნდა გუშინდელი ამბავი ძალიან გაგვიკვირდა, თანაც ბაიერნს წინასწარ არაფერი დაუანონსებია - სწორედ ამიტომ, ნაგელსმანის და ბაიერნის მიმართ ჩემი პატივისცემის გამო ამ თემის შესახებ არაფრის თქმა არ მსურს", - განაცხადა ფლიკმა.
ცნობისთვის, თავის დროზე სწორედ იულიან ნაგელსმანმა ჩაანაცვლა ბაიერნში ჰანს ფლიკი.