"შეიძლება ბაიერნმა ფეხბურთელში 100 მილიონი გადაიხადოს, მაგრამ არა კეინის სანაცვლოდ, რადგან...", - ული ჰიონესი

მიუნხენის ბაიერნის ყოფილმა პრეზიდენტმა, ული ჰიონესმა გერმანულ გუნდში ჰარი კეინის შესაძლო ტრანსფერთან დაკავშირებით გააკეთა კომენტარი:

"იდეაში წარმომიდგენია, რომ ფეხბურთელი, რომელიც 100 მილიონი ევრო ღირს, ბაიერნს შემოუერთდეს, მაგრამ კეინის შემთხვევაში, საკუთარი აზრი არაერთხელ დავაფიქსირე - ის 29 წლისაა", - განაცხადა ჰიონესმა.

ცნობისთვის, ბაიერნის ხელმძღვანელობა გასულ კვირას გამართულ შეხვედრაზე შეთანხმდა, რომ ზაფხულის სატრანსფერო ფანჯრის პერიოდში კლუბი იმაზე მეტად იაქტიურებდა ვიდრე ოდესმე და ფინანსებს ახალი ფეხბურთელების მოსაყვანად არ დაიშურებდა.