ბუნდესლიგის 30-ე ტურის შეხვედრაში ბაიერნმა ჰერტას უმასპინძლა და 2:0 დაამარცხა - ამ გამარჯვებით, ტომას ტუხელის გუნდმა გერმანიის ჩემპიონატში პირველობა დაიბრუნდა.
აღნიშნულ მატჩსი, ბაიერნის სენეგალელ მცველს, ბუნა სარს შეეძლო მიმდინარე სეზონში ბაიერნის მაისურით პირველი მატჩი ჩაეტარებინა - ტომას ტუხელი სარის შემოყვანსა აპირებდა, მაგრამ გეგმები გნაბრის გოლის შემდეგ შეცვალა.
აღნიშნულ ფაქტზე კომენტარი მოგვიანებით თავად ფეხბურთელმაც გააკეთა და აღნიშნა, რომ ეს მისთვის მტკივნეული მომენტი იყო.
"ეს მწარე და მტკივნეული მომენტი იყო - მწვრთნელმა ჩემი მოედანზე შეყვანა გადაიფიქრა, თუმცა ეს ფაქტი უნდა მივიღო, მეტად შრომისმოყვარე გავხდე, რათა მწვრთნელს საკუთარი თავი კვლავ შევთავაზო", - აღნიშნა სარმა.
ცნობისთვის, 31 წლის მცველმა ბოლოს ბაიერნის მაისური 2022 წლის 8 მარტს, ჩემპიონთა ლიგაზე ზალცბურგის წინააღმდეგ 45 წუთით მოირგო.