მოგეხსენებათ, მიუნხენის ბაიერნი იუვენტუსის ნახევარმცველის, ადრიენ რაბიოს ტრანსფერითაა დაინტერესებული.
რაბიოს გადაბირებით ბაიერნი 2019 წელსაც იყო დაინტერესებული, თუმცა მაშინ ფრანგი პარი სენ-ჟერმენიდან იუვენტუსში გადავიდა.
ცნობისთვის, რაბიოს ამ ზაფხულს ტურინულ კლუბთან კონტრაქტი უმთავრდება, ტრანსფერის ალბათობას ისიც ზრდის, რომ მოთამაშის დედას და აგენტს რაბიოს ამჟამინდელი ხელფასის გაზრდა სურთ, რაც დაახლოებით წელიწადში 7 მილიონ ევროს შეადგენს, იუვენტუსი კი ამის როგორც ჩანს წინააღმდეგია.
გერმანულ Transfermarkt-ს კი 28 წლის შუახაზელი 30 მილიონ ევროდ ჰყავს შეფასებული.