"არ მჯერა, რომ ბაიერნი დანებდება", - კიოლნის მწვრთნელი მატჩამდე

მოგეხსენებათ, გერმანიაში ჩემპიონის ვინაობა ბოლო ტურში, შაბათს, 27 მაისს გაირკვევა - ბაიერნი გასვლაზე კიოლნს დაუპირისპირდება, ჩემპიონატის ლიდერი დორტმუნდი კი საკუთარ მოედანზეც მაინცს უმასპინძლებს.

მატჩამდე ცოტა ხნით ადრე, კიოლნის 51 წლის სპეციალისტმა ა ბაუმგარტმა ბაიერნთან მოახლოებულ შეხვედრაზე ისაუბრა.

"მიუხედავად საჩემპიონო რბოლისა, ჩვენ მოსაგებად ყველაფერს გავაკეთებთ და ამ გამოწვევას მოუთმენლად ველოდებით, მახარებს ის ფაქტი, რომ ბუნდესლიგიდან გავარდნის საშიშროება არ გვემუქრება.

ბაიერნში მწვრთნელების ცვლილება მოულოდნელი იყო. გუნდებში ყოველთვის არის ხოლმე პერიოდი, როცა ყველაფერი უკეთესობისკენ იცვლება, ან პირიქით - ახლა ბაიერნში სწორედ ეს პერიოდია და ყველაფერი  ცოტა უარესობისკენ მიდის.

ბაიერნი ჯერ კიდევ საუკეთესო გუნდია, რომელიც გერმანიაში გვყავს. ვერ წარმომიდგენია, რომ ისინი დანებდნენ, შესაძლოა ცოტათი გულუბრყვილო ვარ, მაგრამ არ ვფიქრობ, რომ ისინი ისეთი ცუდები არიან, როგორც იწერება ხოლმე", - განაცხადა ბაუმგარტმა.