მიუნხენური გრანდის პრეზიდენტმა, ული ჰიონესმა, დორტმუნდის "ბორუსიასთან" დიდებული გამარჯვება შეაჯამა.
"მოთამაშეებმა, რომლებიც ასევე იყვნენ დამნაშავეები იმაში, რომ დღეს ნიკო კოვაჩი ჩვენი მთავარი მწვრთნელი აღარაა, იცოდნენ თუ რა უნდა ექნათ დღეს მოედანზე.
ახალი მთავარი მწვრთნელის თაობაზე გადაწყვეტილებას უახლოესი 14 დღის განმავლობაში მივიღებთ.
ნიკო ჩვენი მეგობარია. მინდოდა, რომ ის კარგად წასულიყო. ჩვენ ერთმანეთს კიდევ ვხვდებით. ის სიტუაციით არ არის ბედნიერი, მაგრამ ვგრძნობ, რომ ზეწოლისგან გათავისუფლდა", - აღნიშნა ულიმ.
"რეკორდმაისტერმა" ნიკო კოვაჩი გასული კვირის ბოლოს ფრანკფურტის "აინტრახტთან" 1:5 განადგურების შემდეგ გაათავისუფლა.
გუშინ კი "ბაიერნმა" საკუთარ მოედანზე დორტმუნდის "ბორუსია" 4:0 გაანადგურა და უმნიშვნელოვანესი გამარჯვება მოიპოვა.