მიუნხენური კლუბის უნივერსალურმა უკანა ხაზელმა, იოზუა კიმიხმა, თავისი თანაგუნდელი დავიდ ალაბა დაახასიათა.
"დავიდი ? ჩემთვის ალაბა მარცხენა ფლანგზე ფენომენალურია, მაგრამ აგრეთვე ვფიქრობ, რომ ის მსოფლიოში ერთ-ერთი საუკეთესოა ცენტრალური მცველის პოზიციაზე.
მას საოცარი ფიზიკური მონაცემები აქვს, აგრეთვე აქვს შესანიშნავი პირველი პასი და მუდმივად მშვიდად გრძნობს თავს", - განაცხადა 24 წლის გერმანელმა.
მას შემდეგ, რაც გუნდი ჰანსი ფლიკმა ჩაიბარა, დავიდ ალაბა ცენტრალური მცველის პოზიციაზე მოქმედებს ხავი მარტინესთან ერთად.
ფლიკმა "ოლიმპიაკოსისა" და დორტმუნდის "ბორუსიას" წინააღმდეგ პავარი-მარტინესი-ალაბა-დეივისის ოთხეულით ითამაშა და "ბაიერნის" კარში არცერთი ზუსტი დარტყმა არ განხორციელებულა.