საფრანგეთის ნაკრებისა და მიუნხენის "ბაიერნის" მცველმა ბენჟამინ პავარმა ინტერვიუში შემდეგ საკითხებზე ისაუბრა:
"მე არ ვარ საუკეთესო მცველი მსოფლიოში. მე ვიცი, რომ ჩემზე უკეთესი ბევრი ფეხბურთელი არსებობს, მაგრამ მე კიდევ შემიძლია ვისწავლო. მე ვფიქრობ, რომ პროგრესს ვაგრძელებ. მინდორზე ბევრს ვაკეთებ და ყველაფერს გავაკეთებ, რომ შედეგი გავაუმჯობესო.
ამ სეზონში ყველაზე მეტი დრო გავატარე კიმიხთან და ნოიერთან. არ მეგონა, რომ ამდენს ვითამაშებდი, მე ეს მსიამოვნებს და რა თქმა უნდა არ მსურს სკამზე ჯდომა, ასე რომ, ვაგრძელებ შრომას.
ვიცი რომ გარკვეულ სიტუაციაში უფრო აგრესიული უნდა ვიყო, მე ამაზე ვმუშაობ. ჩვენ ყოველთვის ვერ მივიღეთ ის შედეგი, რაც გვინდოდა, მაგრამ ვფიქრობ, რომ კარგად გამოვიყურებით.
ნიკო კოვაჩთან კარგი ურთიერთობა მქონდა. როდესაც შედეგი არადამაკმაყოფილებელია, მწვრთნელი ყოველთვის პირველია, ვინც ცხელ წერტილში ხვდება. ის არ იყო მოედანზე, ჩვენ მოთამაშეებმა უნდა ავიღოთ ამაზე პასუხისმგებლობა.
თუ ჩვენ გავაგრძელებთ თამაშს, როგორც ბოლო ორ მატჩში, მაშინ ვფიქრობ, რომ ამ სეზონში დიდ წარმატებას მივაღწევთ."