"ლილის" მთავარმა მწვრთნელმა, კრისტოფ გალტიემ, საკუთარი გუნდის ერთ-ერთი ლიდერი მიუნხენური გრანდის ლეგენდარულ ვინგერებს შეადარა.
"პეპე "ბაიერნის" გარემარბებს მაგონებს - რობენსა და რიბერის ახალგაზრდობაში.
ახალგაზრდა რობენსაც შეეძლო საკუთარი თავის ირგვლივ რამდენიმე მოთამაშის შეკრება და მეტოქის კარის წინ სწრაფად იღებდა გადაწყვეტილებას.
ასეთივე სტილში მოქმედებდა რიბერიც", - განმარტა 52 წლის ფრანგმა სპეციალისტმა.
23 წლის ნიკოლა პეპე მიმდინარე სეზონში შესანიშნავად გამოიყურება - მის ანგარიშზე ეროვნული ჩემპიონატის 26 თამაშში 16 გოლი და 8 საგოლე გადაცემაა.