მიუნხენის "ბაიერნის" ყოფილი მთავარი მწვრთნელი, ფელიქს მაგათი, ოლივერ კანს "რეკორდმაისტერის" ხელმძღვანელობაში ხედავს.
"რა თქმა უნდა, მჯერა, რომ საბოლოო ჯამში, ის კლუბში ასეთ როლს ღირსეულად შეასრულებს.
კარლ-ჰაინც რუმენიგეს კი საკმაოდ მძიმე კარიერა ჰქონდა, მან გენერალურ დირექტორობამდე საკმაოდ დიდი გზა გაიარა.
ამ შემთხვევაში კონკრეტული პოზიცია არაა მნიშვნელოვანი, მთავარი ისაა, რომ ოლივერ კანს ლიდერის როლი ექნება, ეს კი მისთვის შესაფერისი ადგილია!", - განაცხადა მაგათმა.
ლეგენდარული გერმანელი მეკარე "ბაიერნის" ღირსებას 1994-2008 წლებში იცავდა და ფელიქს მაგათის ხელმძღვანელობით 3 წელი (2004-07) იმუშავა.
ბოლო ინფორმაციით, "ტიტანი" ყოფილ კლუბს 2020 წელს დაუბრუნდება და კალე რუმენიგეს თანამდებობას დაიკავებს.