"ბაიერნმა" გადაწყვიტა უარი თქვას მთავარ სატრანსფერო სამიზნეზე

როგორც ჩანს, მიუნხენის "ბაიერნი" გამოეთიშა ჯონათან ტას შესაძენად ბრძოლას, ხოლო ცენტრალური მცველი "ლევერკუზენში" დარჩება.

ჯონათან ტა ითვლებოდა "ბაიერნის" მთავარ სატრანსფერო სამიზნედ ცენტრალურ დაცვაში, მაგრამ როგორც ჩანს, ის ამ ზაფხულს ბავარიაში გადასვლას არ აპირებს. Kicker-ის ცნობით, "ბაიერნმა" გადაწყვიტა უარი თქვას გერმანელი ფეხბურთელის ტრანსფერზე. მაშინაც კი, თუ დე ლიხტის გაყიდვას მოახერხებენ, რომლითაც მანჩესტერ "იუნაიტედი" აქტიურად არის დაინტერესებული.

"ბაიერნს" ჰქონდა შეთანხმება 28 წლის ფეხბურთელთან პირად პირობებზე. "ლევერკუზენთან" მოლაპარაკების შეწყვეტის გადაწყვეტილებამ კი პასუხისმგებელ პირებს შორის გარკვეული გაღიზიანება გამოიწვია და ტრანსფერიც ამ მიზეზის გამო ჩაიშალა.