მიუნხენის "ბაიერნის" მთავარმა მწვრთნელმა, ჰანს ფლიკმა სუპერთასის მატჩამდე პრესკონფერენციაზე ისაუბრა.
"სევილიამ ევროპის ლიგის მოგება დაიმსახურა. მათ კარგი, საინტერესო გუნდი ჰყავთ, რომელსაც ძლიერი სპეციალისტი უდგას თავში. ველოდებით დინამიურ, ინტენსიურ თამაშს."
"გადაწყვეტილება ასეთია, რომ სუპერთასი ბუდაპეშტში ტარდება და ამას უნდა შევეგუოთ. ჩვენ აქ მოსაგებად ჩამოვედით. რთული იქნება, მაგრამ ერთადერთი მიზანი გამარჯვებაა."
"რობერტ ლევანდოვსკი სრულად გამოჯანმრთელდა და სათამაშოდ მზადაა, ისევე როგორც ყველა ის ფეხბურთელი, რომელიც აქ ჩვენთან ერთადაა."
"ხვალ 100%ით მზად უნდა ვიყოთ, რადგან 99% საკმარისი არ იქნება "სევილიას" დასამარცხებლად. სუპერთასზე გამოსვლის დიდი გამოცდილება არ მაქვს, მაგრამ ჩვენ ყველაფერს გავაკეთებთ მოსაგებად." - აცხადებს ფლიკი.