ბაიერნის ქართული ფან-კლუბი

ბაიერნის ქართული ფან-კლუბი

სიახლეები

ნოიერმა ბუნდესლიგის რეკორდი დაამყარა
გერმანიის ბუნდესლიგის მე-17 ტურში მიუნხენის "ბაიერნი" "აუგსბურგს" ესტუმრა და ანგარიშით 0:1 დაამარცხა.

"რეკორდმაისტერის" რიგებში სრული, 90 წუთი გაატარა მინდორზე გუნდის კაპიტანმა, მანუელ ნოიერმა და ახალი რეკორდიც დაამყარა.

კერძოდ, ეს რიგით 196-ე მატჩი გახლავთ კაპიტნისთვის, სადაც მან კარის მშრალად შენახვა მოახერხა. ის ამ მიღწევით ლეგენდარულ ოლივერ კანს გაუთანაბრდა და 1 მატჩი რჩება ერთპიროვნულად გალიდერებამდე.

ნოიერს ხსენებული რეკორდის დასამყარებლად 370 მატჩის ჩატარება დასჭირდა.
"აუგსბურგი" - "ბაიერნი" პირდაპირი ტრანსლიაცია
გერმანიის ბუნდესლიგის მე-17 ტურის მატჩში მიუნხენის "ბაიერნი" სტუმრად "აუგსბურგს" უპირისპირდება.

გთავაზობთ შეხვედრის საყურებელ ლინკებს:

ლინკი 1 (სეტანტა)

ლინკი 2

ლინკი 3​​​
"აუგსბურგი" - "ბაიერნი" სასტარტო შემადგენლობა
გერმანიის ბუნდესლიგის მე-17 ტურის შეხვედრაში მიუნხენის "ბაიერნი" სტუმრად "აუგსბურგს" უპირისპირდება.

მატჩის დაწყებამდე ერთი საათით ადრე ჰანს ფლიკმა სასტარტო თერთმეტეული დაასახელა.

ნოიერი - პავარი, ბოატენგი, ალაბა, ერნანდესი - კიმიხი, გორეცკა - გნაბრი, მიულერი, კომანი - ლევანდოვსკი.
ინგლისური გრანდები "ბაიერნის" ამომავალი ვარსკვლავის შესაძენად იბრძვიან
ბრიტანული გამოცემა The SUN-ის ინფორმაციით, ინგლისური გრანდების რადარზე მიუნხენის "ბაიერნის" ამომავალი ვარსკვლავი, ჯამალ მუსიალა გამოჩნდა.

როგორც ცნობილია, "რეკორდმაისტერი" და ახალგაზრდა ნახევარმცველი ახალი კონტრაქტის პირობებზე ვერ თანხმდებიან.

17 წლის ფეხბურთელი წელიწადში 6 მილიონ ევროს ითხოვს ანაზღაურების სახით, "ბაიერნი" კი ნაკლებს სთავაზობს.

წყაროს ცნობით, "მანჩესტერი" და "ლივერპული" აქტიურად აკვირდებიან მუსიალას სიტუაციას და იმ შემთხვევაში, თუ მიუნხენური გრანდი მასთან შეთანხმებას ვერ მიაღწევს, არ არის გამორიცხული, ფეხბურთელი ზაფხულში სწორედ ნისლიან ალბიონზე გადაბარგდეს.
აგენტი ადასტურებს: ალაბამ სამედიცინო შემოწმება გაიარა
ბოლო დღეებში გავრცელდა ინფორმაცია, რომლის მიხედვითაც დავიდ ალაბამ სამედიცინო შემოწმება გაიარა და სულ მალე მადრიდის "რეალთან" წინასწარ კონტრაქტს მოაწერს ხელს.

აღნიშნულ თემაზე კომენტარი ავსტრიელი მცველის აგენტმა, პინი ზაჰავმა გააკეთა.

"ვადასტურებ, ალაბამ მართლაც გაიარა სამედიცინო შემოწმება. თუმცა, მან ეს თავისი სურვილით გააკეთა."

"დავიდს სურს, რომ მომავალი გუნდის არჩევამდე ზედმეტი ტრავმები აირიდოს თავიდან." - აცხადებს ალაბა.
UEFA-ს წლის საუკეთესო თერთმეტეული ცნობილია
UEFA-ს ოფიციალურმა საიტმა 2020 წლის სიმბოლური ნაკრები დაასახელა.

თერთმეტეულში ყველაზე მეტი, 5 ფეხბურთელი მიუნხენის "ბაიერნიდან" მოხვდა.

იხილეთ სრული შემადგენლობა:


დადასტურდა: ალაბას მომავალი კლუბი ცნობილია
მიუნხენის "ბაიერნის" ავსტრიელი ცენტრალური მცველი, დავიდ ალაბა კარიერას მადრიდის "რეალში" გააგრძელებს.

ესპანური გამოცემა Marca-ს ინფორმაციით, 28 წლის ფეხბურთელი უკვე იმყოფებოდა მადრიდში, სადაც "სამეფო კლუბის" ექიმთან სამედიცინო შემოწმება გაიარა.

წყაროს ცნობით, მხარეებს შორის შეთანხმება უკვე შედგა. ალაბა "რეალთან" წინასწარ კონტრაქტს სულ მალე მოაწერს ხელს და ინფორმაციაც მალე გაოფიციალურდება.

ავსტრიელის "სამეფო კლუბში" ტრანსფერს სხვა გავლენიანი ევროპული გამოცემებიც ადასტურებენ. როგორც ცნობილია, ფეხბურთელი ოთხწლიან კონტრაქტს მოაწერს ხელს და მისი ანაზღაურება 11 მილიონი ევრო იქნება, ასევე ბონუსებიც.

შეგახსენებთ, რომ ალაბას "ბაიერნთან" კონტრაქტი მიმდინარე წლის ზაფხულში ეწურება და ის თავისუფალი აგენტის სტატუსით ტოვებს კლუბს.
რუმენიგე ტრანსფერებზე: "ახლა მხოლოდ ერთი რამ არის ნათელი"
მიუნხენის "ბაიერნის" დირექტორთა საბჭოს წევრმა, კარლ-ჰაინც რუმენიგემ სამომავლო ტრანსფერებზე კომენტარი გააკეთა.

"გადავიხდით თუ არა უპამეკანოსა და ნეუჰაუსის გამოსასყიდ თანხას? ამჟამად მხოლოდ ერთი რამ არის ნათელი, ამ კრიზისის დროს თუ ტრანსფერს ანხორციელებ, ინვესტიცია სწორ ფეხბურთელებში უნდა ჩადო."

"ტრანსფერების გაკეთება ჰასან სალიჰამიჯიჩს ეხება. თუმცა, გასულ წელთან შედარებით ახლა უფრო ოპტიმისტურად ვართ განწყობილები რადგან ვფიქრობთ, რომ მომავალი სეზონიდან ფანები დაუბრუნდებიან სტადიონს." - აცხადებს რუმენიგე.
"ბაიერნმა" დუგლას კოშტას თაობაზე გადაწყვეტილება მიიღო
მიუნხენის "ბაიერნმა" დუგლას კოშტას თაობაზე მნიშვნელოვანი გადაწყვეტილება მიიღო.

იტალიური გამოცემების ინფორმაციით, "რეკორდმაისტერი" სეზონის დასრულებას აღარ დაელოდება და ფეხბურთელს ტურინში იანვარშივე დააბრუნებს.

წყაროს ცნობით, მიუნხენში თვლიან რომ კოშტა ვერ ერგება მათ სათამაშო სტილსა და ტაქტიკას და შესაბამისად, გუნდში მის ყოფნას პოზიტივი ვერ მოაქვს.

გარდა ამისა, კოშტას ანაზღაურება სეზონში 6 მილიონი ევროა, რაც საკმაოდ მაღალია და სწორედ ამიტომ "ბაიერნს" ურჩევნია, რომ ბრაზილიელი შუა სეზონის დროს დააბრუნოს "იუვენტუსში".
რუმენიგე: "პეპთან ამ შეხვედრის დროს ორივე ავტირდით"
მიუნხენის "ბაიერნის" დირექტორთა საბჭოს წევრმა, კარლ ჰაინც რუმენიგემ პეპ გვარდიოლასთან ერთ-ერთი შეხვედრის ემოციური მომენტი გაიხსენა.

"ერთი საღამო ჩემი მეხსიერებიდან არასდროს წაიშლება. 2015 წლის ნოემბერში პეპთან შეხვედრა გვქონდა და მან მითხრა, რომ კლუბს ტოვებდა, ახალი გამოწვევები სჭირდებოდა."

"მან ყველაფერზე გულღიად ისაუბრა. ძალიან ემოციური შეხვედრა იყო. მან იტირა, ცრემლების შეკავება ვერც მე მოვახერხე."

"ჩვენს შორის დიდი მეგობრობა ჩამოყალიბდა. ხშირად ვეკონტაქტებით ერთმანეთს." - აცხადებს რუმენიგე.
დეივისის ბრწყინვალე სტატისტიკა "ფრაიბურგის" წინააღმდეგ
გერმანიის ბუნდესლიგის მე-16 ტურში მიუნხენის "ბაიერნმა" მნიშვნელოვანი 3 ქულა ჩაიწერა და უახლოეს მდევარს 4 ქულით გაასწრო.

"რეკორდმაისტერის" გამარჯვებაში ლომის წილი დაიდო ალფონსო დეივისმა, რომელსაც, ფაქტობრივად, იდეალური თამაში ჰქონდა და ბრწყინვალე სტატისტიკაც დააფიქსირა.

ფონზი "ფრაიბურგის" წინააღმდეგ 81-ჯერ შეეხო ბურთს. 58 გადაცემიდან ყველა ზუსტი აღმოჩნდა, აქედან 2 მნიშვნელოვანი გადაცემა გახლდათ. ასევე მისი 6 დრიბლინგიდან 5 წარმატებული აღმოჩნდა.

დეივისი დაცვაშიც ბრწყინვალედ გამოიყურებოდა და 2-ჯერ ჩაჭრა ბურთი. 11 ორთაბრძოლიდან კი 9 მის სასარგებლოდ დასრულდა. შეფასება 7.7 კი "ბაიერნის" მცველებს შორის ყველაზე მაღალი გახლდათ.
ფლიკი: "დღეს ჩვენი დაცვა კარგად გამოიყურებოდა"
მიუნხენის "ბაიერნის" მთავარმა მწვრთნელმა, ჰანს ფლიკმა "ფრაიბურგთან" მოგებული მატჩის შემდეგ პრესკონფერენციაზე ისაუბრა.

"მარტივი თამაში არ გვქონია. დღეს თავიდანვე ვგრძნობდი, რომ ჩემი ფეხბურთელები ორთაბრძოლებში კარგად გამოიყურებოდნენ და ამ ფაქტმა ძალიან გამახარა."

"ლევანდოვსკიმ კარგი გოლი გაიტანა. თუმცა, ამის შემდეგ მეორეც უნდა გაგვეტანა და ვფიქრობ, თამაში სხვანაირად წავიდოდა."

"დღეს დაცვა კარგად გამოიყურებოდა. გოლი კუთხურიდან გავუშვით, მაგრამ ასეთები ხდება ხოლმე."

"გამიხარდა თუ არა კონკურენტების ქულების დაკარგვა? არა. ჩვენ მხოლოდ ჩვენს თამაშზე უნდა ვიყოთ კონცენტრირებულები. 4 ქულით წინ გასვლა კარგია, მაგრამ არ შეიძლება ყურადღების მოდუნება."

"არ მიყვარს კონკრეტული ფეხბურთელების გამორჩევა, მაგრამ დღეს სანე ძალიან კარგი იყო. მისი პროგრესი მუდმივად შეინიშნება და დღეს კიდევ ერთხელ დაამტკიცა თავისი მაღალი დონე." - აცხადებს ფლიკი.
  • ბომბარდირები
  • ასისტენტები
  • ბარათები
რობერტ ლევანდოვსკი
1
რობერტ ლევანდოვსკი
გოლი: 15 3 15 0
სერჟ გნაბრი
2
სერჟ გნაბრი
გოლი: 4 0 4 0
თომას მიულერი
3
თომას მიულერი
გოლი: 4 0 4 0
ფილიპე კოუტინიო
4
თომას მიულერი
გოლი: 4 0 4 0
ლეონ გორეცკა
5
ლეონ გორეცკა
გოლი: 3 2 1 0
თომას მიულერი
1
თომას მიულერი
ასისტი: 4 0 4 0
სერჟ გნაბრი
2
რობერტ ლევანდოვსკი
ასისტი: 3 0 3 0
იოზუა კიმიხი
3
იოზუა კიმიხი
ასისტი: 4 0 4 0
ივან პერიშიჩი
4
ლეროი სანე
ასისტი: 2 0 2 0
ფილიპე კოუტინიო
5
სერჟ გნაბრი
ასისტი: 1 0 1 0
ჟერომ ბოატენგი
1
ჟერომ ბოატენგი
0 0 0 0 0
ხავი მარტინესი
2
ხავი მარტინესი
0 0 0 0 0
ტიაგო ალკანტარა
3
ტიაგო ალკანტარა
0 0 0 0 0
იოზუა კიმიხი
4
იოზუა კიმიხი
0 0 0 0 0
ბენჟამენ პავარი
5
ბენჟამენ პავარი
0 0 0 0 0
რეკლამა