გუშინ, 22 იანვარს, მიუნხენის ბაიერნის ვინგერი, სერჟ გნაბრი პარიზში იმყოფებოდა, სადაც პარიზის მოდის კვირეულს დაესწრო.
ბაიერნი მომდევნო მატჩს ხვალ, საკუთარ არენაზე გამართავს სადაც კიოლნს დაუპირისპირდება.
გნაბრის პარიზში ვიზიტზე, დღევანდელ პრესკონფერენციაზე იულიან ნაგელსმანსაც ჰკითხეს, რაზეც რეკორდმაისტერის დამრიგებელმა განაცხადა:
"როგორც ჩვეულებრივი დამსაქმებელი, თქვენ არ შეგიძლიათ უთხრათ თქვენს თანამშრომლებს, რომ კვირაობით 10 საათზე ეკლესიაში უნდა იარონ, ისადილონ 12 საათზე და დაიძინონ დღის 2 საათზე - თუმცა, ეს ყოველთვის მომგებიანი უნდა იყოს მისი საქმისთვის და ხელი არ შეუშალოს."