მოგეხსენებათ, იულიან ნაგელსმანმა გერმანიის ნაკრები ოფიციალურად ჩაიბარა - 36 წლის სპეციალისტმა გუნდთან კონტრაქტი 2024 წლის ზაფხულის ბოლომდე გააფორმა.
ნაგელსმანის დანიშვნას ლივერპულის გერმანელი მწვრთნელი, იურგენ კლოპიც გამოეხმაურა და თანამემამულეებს გადაწყვეტილება მოუწონა:
"ვფიქრობ, იულიანის დანიშვნა ძალიან კარგი გადაწყვეტილებაა, რადგან კარგი მწვრთნელია.
ასაკი? აბსოლუტურად სულერთია და ამას დიდი მნიშვნელობა არ აქვს - მას 28 წლის ასაკშიც უკვე დამტკიცებული ჰქონდა, რომ ფანტასტიკური მწვრთნელია. ზურგს კი 8-წლიანი გამოცდილება უმაგრებს, რისი მსგავსიც სხვა სპეციალისტებს 45-50 წლის ასაკში უგროვდებათ.
ასე რომ, მისი პატარა ასაკი ბევრს არაფერს ნიშნავს, ეს საერთოდ არ უნდა იყოს განხილვის საგანი და კრიტერიუმი", - განაცხადა კლოპმა.