...

ჰამანი: "ვიდალი შეუცვლელია"

მიუნხენური კლუბისა და გერმანიის ეროვნული ნაკრების ყოფილი საყრდენი ნახევარმცველი, დიტმარ ჰამანი, კარლო ანჩელოტის სისტემასა და ნახევარდაცვის ცენტრის იდეალურ დაკომპლექტებაზე საუბრობს.

"ჯერ კიდევ ძველი წარმატებული სისტემის წყალობით მიუნხენელებმა პირველი ნახევრის ბოლოს კარგი თამაში აჩვენეს. სწორედ ამიტომ მჯერა, რომ ანჩელოტი 4-2-3-1 ტაქტიკას უფრო ენდობა. ვფიქრობ, ცენტრში მოთამაშეების რაოდენობაზე უფრო მნიშვნელოვანი სწორი ბალანსია.

ორი ექვსიანის პოზიციიდან ერთი უეჭველად არტურო ვიდალს ეკუთვნის, რომელიც ხაბი ალონსოსთან და იოზუა კიმიხთან შედარებით, განსხვავებული მოთამაშეა. ეს ორი საყრდენი ერთმანეთს ძალიან ჰგავს და ორივე უფრო დაცვითი ტიპისაა. ვიდალი კი, როგორც წესი, გზას შეტევისკენაც იკაფავს. თუ ანჩელოტი ექსტრემალურად დაცვით სქემას აირჩევს, მაშინ ცენტრში ალონსოსა და იოზუას დააყენებს, მაგრამ ასე არ ვფიქრობ.

არტურო დაცვაშიც საკმაოდ სასარგებლო მოთამაშეა. მის ტრანსფერს 2015 წელს ცოტა სკეპტიკურად შევხვდი, მაგრამ ჩილელმა საკუთარი თამაშით ჩემი აღფრთოვანება გამოიწვია. ის "ბაიერნისათვის" ძალიან მნიშვნელოვანი მოთამაშე გახდა. მისნაირი ფეხბურთელი გუნდში საჭიროა, მით უმეტეს, მნიშვნელოვან შეხვედრებში.

ვიდალი ყოველთვის მზად არის ბრძოლისათვის და მეტოქის საჯარიმოსთანაც ძალიან სახიფათოა. ამ სეზონში კიმიხმაც რამდენიმე გოლი გაიტანა, მაგრამ ჩემი აზრით, არტურო უბრალოდ შეუცვლელია, რადგან საკუთარი სათამაშო სტილით გუნდს ბალანსსა და თავდაჯერებულობას მატებს.

რენატო სანჩეში ვიდალთან უფრო ახლოსაა, მაგრამ პორტუგალიელს ჯერ გამოცდილება და კლასი აკლია. ის ძალიან ახალგაზრდაა, მაგრამ დიდი პოტენციალი გააჩნია. ბურთს კარგად ფლობს, ტექნიკური და თამამია, ამიტომ "ბაიერნის" დანარჩენ ნახევარმცველებს არ ჰგავს.

ვიდალთან ერთად, ძირითად შემადგენლობაში ალონსოს ვხედავ. პირველ რიგში, იმიტომ, რომ მისი გამოცდილება ყველაფერზე თავისთავად მეტყველებს. გარდა ამისა, მას სათამაშო რითმი სჭირდება. ხაბი 35 წლის არის და ასეთ ასაკში სათადარიგო სკამზე გატარებული ზედიზედ ორი მატჩის შემდეგ საკუთარი შესაძლებლობების ბოლომდე გამოვლენა რთულია.

კიმიხი კი უფრო მომავლის მოთამაშეა, რომელსაც საოცარი ხასიათი და მონდომება აქვს. იოზუა ალონსოსგან კიდევ ბევრს ისწავლის და მალე მას ღირსეულად ჩაანაცვლებს", - ვრცლად განმარტა დიდი ჰამანმა.скачать dle 11.1смотреть фильмы бесплатно

ფეხბურთის ანგარიშები იხილეთ აქ - LIVESCORE

მსგავსი სიახლეები
კომენტარები
კომენტარის დამატება
ქართული კლავიატურის ჩართვა/გამორთვა ბეჭდვის დროს კლავიშით "~"
  • bowtiesmilelaughingblushsmileyrelaxedsmirk
    heart_eyeskissing_heartkissing_closed_eyesflushedrelievedsatisfiedgrin
    winkstuck_out_tongue_winking_eyestuck_out_tongue_closed_eyesgrinningkissingstuck_out_tonguesleeping
    worriedfrowninganguishedopen_mouthgrimacingconfusedhushed
    expressionlessunamusedsweat_smilesweatdisappointed_relievedwearypensive
    disappointedconfoundedfearfulcold_sweatperseverecrysob
    joyastonishedscreamtired_faceangryragetriumph
    sleepyyummasksunglassesdizzy_faceimpsmiling_imp
    neutral_faceno_mouthinnocent1488bb5d07biggrindeu
    drinkse05a53f56fcde85da04e41c18eb4b398fan_deutschefcbfcbayernfcbflagge2germanyy
    lolthumbsantatooooralonso1alonso2lewymuller1
    muller2neuerribery1ribery2robben1robben2vidal1
კოდის განახლება

მატჩები


სატურნირო მდგომარეობა