...

ფეხბურთი ბრუნდება - აღფრთოვანების ხუთი მიზეზი

ძალიან მალე, 20 იანვარს, მიუნხენის "ბაიერნი", 21 დეკემბრის შემდეგ, პირველ ოფიციალურ მატჩს ჩაატარებს და გერმანიის ეროვნული ჩემპიონატის მე-17 ტურის ეგიდით სტუმრად "ფრაიბურგს" შეხვდება.

ზამთარში გუნდმა ნაყოფიერი შეკრება გაიარა, კატარში ამხანაგური მატჩი ჩაატარა და დუისელდორფში ტელეკომის თასიც მოიგო, მაგრამ ახლა სერიოზული საქმე იწყება - ბუნდესლიგა განახლდება და კარლო ანჩელოტის გუნდი დიდ ბრძოლაში ჩაებმება.

"ბაიერნის" პრესსამსახური კი ქომაგების განწყობაზე ზრუნავს და გვთავაზობს ხუთ მიზეზს, რომელიც ფეხბურთს მიუნხენში დაბრუნებასთან ერთად, აღტაცებაში მოგვიყვანს.

დიდი თამაშები - ახლა სეზონის მეორე ნაწილი დაიწყება, ძალიან მალე კი ყველაზე რთული და გადამწყვეტი ეტაპი. გადაჭედილი "მიუნხენ არენა", "ბაიერნის" უზარმაზარი ლოგო და ჩემპიონთა ლიგის გენიალური ჰიმნი - ეს ყველაფერი 15 თებერვალს, ლონდონის "არსენალთან" პირველ მერვედფინალურ შეხვედრაში დაბრუნდება, საპასუხო მატჩი კი 7 მარტს გაიმართება. თუმცა, რა თქმა უნდა, ძალიან დიდი იმედი გვაქვს, რომ ევროპის მთავარ საკლუბო ტურნირზე "რეკორდმაისტერს" კიდევ ბევრი დაუვიწყარი საღამო და უფრო ნერვიული მატჩები ელის. ბუნდესლიგაში კი წინ მორიგი "დერ კლასიკერია" ანუ პაექრობა დორტმუნდის "ბორუსიასთან", რომელიც 8 აპრილს შედგება. არც გერმანიის თასი უნდა დავივიწყოთ, სადაც "ბაიერნი" მერვედფინალშია გასული და 8 თებერვალს "ვოლფსბურგს" შეხვდება. მართლაც დიდი თამაშების დროა, რომელიც გუნდის რეალურ ძალასა და შესაძლებლობებს დაგვანახებს.

გოლები, გოლები და გოლები - "ბაიერნის" შეტევით ხაზი სეზონის პირველ ნახევარში საკმაოდ მორიდებული იყო და ბუნდესლიგაში მხოლოდ 38 გოლი გაიტანა, აქედან 12 რობერტ ლევანდოვსკიმ. პოლონელი კი ბუნდესლიგის საუკეთესო ბომბარდირთა სიაში მხოლოდ მესამე ადგილზეა, მისი მიზანი კი ქვემეხის ზედიზედ მეორედ მოპოვებაა. გარდა ამისა, ტომას მიულერს მხოლოდ ერთი ბურთი აქვს გატანილი და ამის გამოსწორებას შეეცდება. ასე, რომ "ბაიერნს" უფრო მეტი გოლის გასატანად სერიოზული მიზეზები აქვს და წესით, ასეც უნდა მოხდეს.

დაბრუნება - სამწუხაროდ, ჟერომ ბოატენგი და ტიაგო ალკანტარა კვლავ ლაზარეთში არიან, მათ შესაძლოა "არსენალთან" პირველი მატჩიც გამოტოვონ, მაგრამ კინგსლი კომანი დაბრუნდა და მწყობრშია. 20 წლის ფრანგმა მძიმე დაზიანება მიიღო, ამიტომ მისი კვლავ მინდორზე ხილვა საკმაოდ სასიამოვნო იქნება. არ არის გამორიცხული, რომ ტექნიკურმა ვინგერმა უკვე პარასკევს იასპარეზოს.

შუაკვირის თამაშები - ბუნდესლიგა ძალიან მალე განახლდება და პირველი შუაკვირის ტურიც კარსაა მომდგარი. თებერვლის შუარიცხვებიდან მარტის დასაწყისამდე "ბაიერნს" სამი დატვირთული კვირა ელის, როდესაც შუაში შესვენება არ ექნება. ამაზე უკეთესი კი ქომაგებისთვის არაფერია.

ტიტულები - რაც ყველაზე მთავარია, "ბაიერნის" ქომაგებს იმედი გვაქვს, რომ სეზონის ბოლოს, გაზაფხულზე, ბუნდესლიგას, გერმანიის თასსა და რაღა თქმა უნდა, ჩემპიონთა ლიგას მოვიგებთ. ამის გაკეთება არანორმალურად რთული იქნება, მაგრამ შანსი არსებობს. ამ ეტაპზე კარლო ანჩელოტის გუნდი სამივე ტურნირზე იბრძვის და მიზანი მხოლოდ ერთია - ყველა ტიტულის მოპოვება. პრიორიტეტი მაინც ჩემპიონთა ლიგის ყურებიანი თასია, მაგრამ "რეკორდმაისტერი" არც ვერცხლის სინის დაკარგვას შეელევა.скачать dle 11.1смотреть фильмы бесплатно

ფეხბურთის ანგარიშები იხილეთ აქ - LIVESCORE

ასევე იხილეთ თემაზე:
ბლოგი
მსგავსი სიახლეები
კომენტარები
heineken
heineken | 17 იანვარი 2017 23:48
ძაან მაგარი მეორე ნახევარი გველის სეზონის იმედია ლიგას მოვიგებთ
კომენტარის დამატება
ქართული კლავიატურის ჩართვა/გამორთვა ბეჭდვის დროს კლავიშით "~"
  • bowtiesmilelaughingblushsmileyrelaxedsmirk
    heart_eyeskissing_heartkissing_closed_eyesflushedrelievedsatisfiedgrin
    winkstuck_out_tongue_winking_eyestuck_out_tongue_closed_eyesgrinningkissingstuck_out_tonguesleeping
    worriedfrowninganguishedopen_mouthgrimacingconfusedhushed
    expressionlessunamusedsweat_smilesweatdisappointed_relievedwearypensive
    disappointedconfoundedfearfulcold_sweatperseverecrysob
    joyastonishedscreamtired_faceangryragetriumph
    sleepyyummasksunglassesdizzy_faceimpsmiling_imp
    neutral_faceno_mouthinnocent1488bb5d07biggrindeu
    drinkse05a53f56fcde85da04e41c18eb4b398fan_deutschefcbfcbayernfcbflagge2germanyy
    lolthumbsantatooooralonso1alonso2lewymuller1
    muller2neuerribery1ribery2robben1robben2vidal1
კოდის განახლება

მატჩები


სატურნირო მდგომარეობა