მიუნხენის "ბაიერნი" რასიზმის წინააღმდეგ ბრძოლაში აქტიურად ერთვება.
"რეკორდმაისტერმა" რამდენიმე დღის წინ დააანონსა ახალი კამპანია: "წითლები რასიზმის წინააღმდეგ", რომელიც აქტიურად ძალაში ხვალიდან შევა.
"აუგსბურგთან" თამაშის დროს ბანერებზე სარეკლამო პოსტები არ იქნება, მის ნაცვლად კი განთავსდება სიტყვები: "ტოლერანტობა, პატივისცემა, მრავალფეროვნება, Fair Play."
გარდა ამისა, ეკრანზე ვიდეოები განთავსდება, სადაც "ბაიერნის" ფეხბურთელების მოწოდებები იქნება აღბეჭდილი. "ალიანს არენას" მიმდებარე ტერიტორიაზე კი "წითლები რასიზმის წინააღმდეგ" წარწერის მქონე მაისურები გაიყიდება, რომლის ღირებულებაც 15 ევროა.