...

ლეგიონი: არც ისე წარმატებული დღე მიუნხენური ტრიოსთვის

გუშინ მსოფლიო ჩემპიონატის შესარჩევი ციკლის მორიგი ეტაპი დაიწყო და განახლდა თამაშები, როგორც ევროპაში, ისე სამხრეთ ამერიკის კონტინენტზე. მიუნხენის "ბაიერნის" სამმა მოთამაშემ იასპარეზა და სამწუხაროდ, გამარჯვება ვერც ერთმა მოიპოვა.

დავიდ ალაბა
დავიდ ალაბას ავსტრიის ეროვნული ნაკრები საქართველოს ჯგუფშია და გუშინ უელსის ეროვნულ გუნდს უმასპინძლა. ალაბა, რა თქმა უნდა, ძირითადში იყო და ცენტრალური ნახევარმცველის პოზიციაზე ითამაშა. ანგარიში სტუმრებმა, ჯო ალენის, ჩინებული დარტყმით გახსნეს, მაგრამ ექვს წუთში ალაბას პასით მარკო არნაუტოვიჩმა წონასწორობა აღადგინა. პირველი ტაიმის ბოლოს კი კევინ ვიმერმა ბურთი საკუთარ კარში ჩაჭრა და უელსმა 2:1 იმარჯვა. თუმცა, უკვე მეორე ნახევრის დებიუტში, 48-ე წუთზე არნაუტოვიჩმა დუბლი გაიფორმა და "არწივებს" ქულა მოუტანა. ალაბამ მინდორზე 90 წუთი დაჰყო და კარგი შთაბეჭდილება დატოვა. ორი ტურის შემდეგ, ჯგუფს ოთხი ლიდერი ჰყავს ოთხი ქულით: ავსტრია, უელსი, ირლანდია და სერბეთი. საქართველოს ნაკრებს კი, სამწუხაროდ, მოლდოვასთან ერთად, ნული ქულა აქვს.

ტიაგო ალკანტარა
ტიაგო ალკანტარას ესპანეთი კი საკმაოდ სერიოზულ მეტოქეს, იტალიის ეროვნულ გუნდს, ტურინში დაუპირისპირდა და რთული ბრძოლა გადაიტანა. მიუხედავად იმისა, რომ ხულენ ლოპეტეგის გუნდი მთელი ერთი საათი დომინირებდა და ანგარიშიც გახსნა, "ფურია როხამ" უპირატესობა ვერ შეინარჩუნა და ფრედ 1:1 ითამაშა. "ბაიერნის" კრეატიული ესპანელი ლეგიონერი კი მინდორზე მხოლოდ ბოლოსკენ, 84-ე წუთზე შევიდა და ბევრი ვერაფერი მოასწრო. ტიაგოს ესპანეთს, იტალიის მსგავსად, ოთხი ქულა აქვს, ჯგუფის ლიდერი კი ექვსი ქულით ალბანეთია.

არტურო ვიდალი
ყველაზე მძიმე დღე კი არტურო ვიდალს ჰქონდა, რომლის ჩილემ ეკვადორთან სტუმრად 0:3 წააგო და საკმაოდ რთულ სიტუაციაში აღმოჩნდა. ვიდალმა მინდორზე მთელი 90 წუთი დაჰყო, მაგრამ არც ისე კარგი მატჩი ჩაატარა. ანტონიო ვალენსიამ, კრისტიან რამირესმა და ფელიპე კაისედომ კოპა ამერიკის ბოლო ორგზის გამარჯვებული უპრობლემოდ დაამარცხეს. ცხრა ტურის შემდეგ, ხუან ანტონიო პიცის გუნდი მხოლოდ მეშვიდე პოზიციაზეა და ოთხეულს, რომელიც მუნდიალზე პირდაპირ მოხვდება, ხუთი ქულით ჩამორჩება. ასე, რომ დიდი შანსია, რუსეთში არტურო ვიდალი თავის ეროვნულ გუნდთან ერთად ვერ გაემგზავროს.

დღეს "ბაიერნის" კიდევ სამი ლეგიონერი ითამაშებს. 20 წლის კინგსლი კომანი საფრანგეთის ნაკრებს ბელარუსთან საშინაო შეხვედრაში დაეხმარება, რენატო სანჩეშის პორტუგალია კი აუტსაიდერ ანდორას მიიღებს. 21 წლის იულიან გრინის ამერიკის ეროვნული ნაკრები ამხანაგურ თამაშს ჩაატარებს, სტუმრად, კუბის წინააღმდეგ.скачать dle 11.1смотреть фильмы бесплатно

ფეხბურთის ანგარიშები იხილეთ აქ - LIVESCORE

მსგავსი სიახლეები
კომენტარები
კომენტარის დამატება
ქართული კლავიატურის ჩართვა/გამორთვა ბეჭდვის დროს კლავიშით "~"
  • bowtiesmilelaughingblushsmileyrelaxedsmirk
    heart_eyeskissing_heartkissing_closed_eyesflushedrelievedsatisfiedgrin
    winkstuck_out_tongue_winking_eyestuck_out_tongue_closed_eyesgrinningkissingstuck_out_tonguesleeping
    worriedfrowninganguishedopen_mouthgrimacingconfusedhushed
    expressionlessunamusedsweat_smilesweatdisappointed_relievedwearypensive
    disappointedconfoundedfearfulcold_sweatperseverecrysob
    joyastonishedscreamtired_faceangryragetriumph
    sleepyyummasksunglassesdizzy_faceimpsmiling_imp
    neutral_faceno_mouthinnocent1488bb5d07biggrindeu
    drinkse05a53f56fcde85da04e41c18eb4b398fan_deutschefcbfcbayernfcbflagge2germanyy
    lolthumbsantatooooralonso1alonso2lewymuller1
    muller2neuerribery1ribery2robben1robben2vidal1
კოდის განახლება

მატჩები


სატურნირო მდგომარეობა