მოგეხსენებთ, მიუნხენის "ბაიერნი" მანუელ ნოიერთან კონტრაქტის გახანგრძლივების თაობაზე მოლაპარაკებებს აწარმოებს.
გერმანული გამოცემა Bild-ის ინფორმაციით, პირველადი მოლაპარაკებების შემდეგ საქმე არცთუ დამაიმედებლადაა.
წყაროს ცნობით, "რეკორდმაისტერის" წარმომადგენლები უკმაყოფილო არიან ვეტერანი კიპერის მოთხოვნებით.
მანუელს გრძელვადიანი კონტრაქტი და მაღალი ხელფასი სურს. მიუნხენელები იმედოვნებდნენ, რომ მოლაპარაკებების შედეგად გარკვეული სახის შეთანხმება შედგებოდა. თუმცა, ნოიერის მხარე არანაირ დათმობაზე წასვლას არ აპირებს.