...

პრევიუ: კიოლნი - ბაიერნი

ხვალ საღამოს მიუნხენის "ბაიერნი" ბუნდესლიგაში თავის მორიგ მატჩს ჩაატარებს და წარმატებული სერიის გაგრძელებას ეცდება.

კარლო ანჩელოტის ფანტასტიკურ ფორმაში მყოფი გუნდი სტუმრად "კიოლნს" შეხვდება. ეს არ იქნება იოლი მატჩი, მაგრამ "რეკორდმაისტერს" საოცარი ტემპი აქვს აკრეფილი, რომლითაც ყველას და ყველაფრის გადათელვა შეუძლია.

კიოლნი - ბაიერნი

ჩემპიონატი: გერმანიის ბუნდესლიგა, XXIII ტური
თარიღი: 4 მარტი, 18:30 საათი
სტადიონი: "რეინ-ენერჯი-შტადიონი", კიოლნი
მთავარი მსაჯი: იოხენ დრეესი
პირდაპირი ტრანსლიაცია: Silk უნივერსალი
იხილეთ დღევანდელი მატჩის პროგნოზი
აჭარაბეთის კოეფიციენტები: 1 - 7.30, X - 4.20, 2 - 1.52

გუნდების წინასამატჩო მდგომარეობა

"კიოლნი" მიუნხენურ კლუბთან შეხვედრას ცუდ ფორმაში ხვდება, რადგან "თხებმა" ბოლო სამ ტურში მხოლოდ ერთი ქულა მოიპოვეს და ევროთასების ზონიდან გამოვიდნენ. ამას დავუმატოთ თებერვლის დასაწყისში "ჰამბურგთან" გასვლითი მარცხი (0:2), რომლის შემდეგაც გუნდი გერმანიის თასიდან გამოვარდა და გამოდის, რომ "კიოლნი" ცუდ სათამაშო ფორმაშია. სამაგიეროდ, კვლავ შეუჩერებელია ფრანგი ცენტრალური თავდამსხმელი, ენტონი მოდესტე, რომელიც გოლების გატანას აგრძელებს და მეტოქის საჯარიმოში ძალიან სახიფათოა. პიტერ შტიოგერის გუნდმა გასულ უქმეებზე სტუმრად "ლაიფციგთან" ითამაშა და 1:3 დამარცხდა, დღეს კი ჩემპიონატის ლიდერს დაუპირისპირდება. პიტერ შტიოგერი ბოლო მატჩებში ახალ, 5-2-3 სქემაზე გადავიდა, რომელიც ჯერ არ ამართლებს, მაგრამ ავსტრიელი სპეციალისტი მაინც ჯიუტობს და განლაგებას არ ცვლის. ეს წარუმატებელი სერია გამოცდილი სერბი მცველის, ნევენ სუბოტიჩის, დამატებასაც უკავშირდება, რომელსაც ცუდი ფეხი ჰქონია. ზოგადად, "კიოლნი" საკმაოდ ორგანიზებული, შეკრული და კარგი გუნდია, დაბალანსებული და შეთამაშებული შემადგენლობით, რომელსაც ახლა უბრალოდ ცუდი პერიოდი აქვს და მეტი არაფერი. შტიოგერი კარგი სპეციალისტია და მის გუნდს 22 ტურის შემდეგ 33 ქულა აქვს, რაც საკმაოდ ნორმალური შედეგია. "კიოლნი" ამ ეტაპზე მეშვიდე პოზიციაზეა და ოთხეულს მხოლოდ ხუთი ქულით ჩამორჩება. "თხებს" ძირითადი მეკარე ტიმო ჰორნი აკლიათ, მაგრამ ის სეზონის ბოლომდე ლაზარეთში იქნება და კარს 31 წლის ტომას კესლერი დაიცავს. ბიტენკურტი და რისეც ისევ ლაზარეთში არიან, ახალი დანაკლისი კი იონას ექტორია, რომელმაც წინა ტურში მეხუთე გაფრთხილება მიიღო და ლიმიტი ამოწურა. დისკვალიფიკაცირებულ იონასს, სავარაუდოდ, იოიჩი შეცვლის.

მიუნხენური გრანდი ნელ-ნელა ოპტიმალურ ფორმაში შედის და ბოლო ორი მატჩი უდიდესი უპირატესობით მოიგო. ბერლინში სკანდალური შეხვედრის შემდეგ "ბაიერნმა" ჯერ "ჰამბურგი" (8:0), შემდეგ კი "შალკე" (3:0) გაანადგურა. ბოლო პერიოდში რობერტ ლევანდოვსკი შეუჩერებელია, რომელსაც უკვე ზედიზედ ოთხი შეხვედრა გააქვს და ამ პერიოდში სულ შვიდი ბურთი დაუგროვდა. გერმანიის თასის მეოთხედფინალში "რეკორდმაისტერს", დაახლოებით სამკვირიანი პაუზის შემდეგ, ფრანკ რიბერიც დაუბრუნდა და 33 წლის ფრანგმა ორი საგოლე გადაცემა გააკეთა. ის, არიენ რობენის მსგავსად, კვლავ ფორმაშია და ამტკიცებს, რომ გუნდისათვის სარგებლის მოტანა ისევ შეუძლია. "შალკესთან" თამაშში მინდორი შესვენებაზე მატს ჰუმელსმა დატოვა, მაგრამ როგორც კარლო ანჩელოტიმ განაცხადა, გერმანელი მცველი მზად არის და არანაირი პრობლემა არ აქვს. გამომდინარე იქიდან, რომ მიუნხენურ გრანდს საკმაოდ დატვირთული გრაფიკი აქვს და რამდენიმე დღეში ჩემპიონთა ლიგის საპასუხო მერვედფინალურ მატჩს ლონდონში ჩაატარებს, იტალიელისგან როტაცია მოსალოდნელია. სავარაუდოდ, დასვენების საშუალებას დავიდ ალაბა, არტურო ვიდალი, ტიაგო ალკანტარა, არიენ რობენი და ფრანკ რიბერი მიიღებენ. ფილიპ ლამმა გერმანიის თასზე დაისვენა, თომას მიულერს პრაქტიკა სჭირდება, რობერტ ლევანდოვსკი კი ერთადერთია, რომელსაც კარლო ანჩელოტი უბრალოდ არ ეხება. 28 წლის პოლონელის ფიზიკური მდგომარეობა იმდენად იდეალურია, რომ მისი დამტვრევის ალბათობაც კი არ არსებობს. უცნაურია, მაგრამ რობერტს ჯერ მართლაც არანაირი ჯანმრთელობის პრობლემა არ ჰქონია. ასე, რომ საკუთარი შანსის მიღებას ახალგაზრდები უნდა ელოდნენ, მათ შორის რენატუ სანშეშიც, რომელმაც ბოლო შეხვედრა გაციების გამო გამოტოვა.

"კიოლნი" საკუთარ მოედანზე ჩინებულად ასპარეზობს, მაგრამ "ბაიერნი" ახლა ისეთ ფორმაშია, რომ ნებისმიერი გუნდის დამარცხება შეუძლია, ამიტომ კარლო ანჩელოტის გუნდი ფავორიტია და ეცდება, რომ აკრეფილი ტემპი არ დააგდოს.

სავარაუდო შემადგენლობები

კიოლნი: კესლერი - სიორენსენი, მაროჰი, სუბოტიჩი, ჰეინცი, რაუში - ჰიოგერი, იოიჩი - კლემენსი, მოდესტე, ოსაკო.

ბაიერნი: ნოიერი - ლამი, მარტინესი, ჰუმელსი, ბერნატი - კიმიხი, ალონსო - კომანი, მიულერი, დუგლას კოშტა - ლევანდოვსკი.

საინტერესო ფაქტები
  • კიოლნში ბოლო 12 ვიზიტიდან "ბაიერნმა" ათი გამარჯვება მოიპოვა და მხოლოდ ერთხელ დამარცხდა. ამ მატჩებში მიუნხენელებმა 28 ბურთი გაიტანეს.

  • "რეკორდმაისტერმა" "თხები" სტუმრად ზედიზედ ორჯერ მშრალად დაამარცხა და დღეს ეცდება, რომ ეს მესამედ გააკეთოს, რაც რეკორდი იქნება. კიოლნში, ბუნდესლიგის ეგიდით, მიჯრით სამი მშრალი გამარჯვება არავის არასოდეს მოუპოვებია.

  • ბუნდესლიგაში "ბაიერნი" ბრემენის "ვერდერისა" (26) და დორტმუნდის "ბორუსიას" (24) შემდეგ, ყველაზე მეტჯერ სწორედ "კიოლნს" ჰყავს დამარცხებული - 23.

  • რობერტ ლევანდოვსკიმ ბუნდესლიგის ბოლო 10 შეხვედრაში 12 გოლის გატანა მოახერხა და 19 გოლით პიერ-ემერიკ ობამეიანგთან ერთად ტურნირის საუკეთესო ბომბარდირია.

  • "კიოლნს" კი მესამე ბომბარდირი, ენტონი მოდესტე, ჰყავს, რომელმაც 17 ბურთი გაიტანა, მაგრამ გუნდი მასზე უფროა დამოკიდებული. "თხების" გოლების 55% სწორედ ფრანგ ფორვარდზე მოდის, რაც ბუნდესლიგაში საუკეთესო მაჩვენებელია (ლევანდოვსკის შემთხვევაში ეს შედეგი 35%-ს შეადგენს).

  • გარდა ამისა, როდესაც მოდესტე გოლის გატანას ვერ ახერხებს, "კიოლნი" თამაშს ვერ იგებს. ეს მიმდინარე სეზონში უკვე ცხრაჯერ მოხდა.

  • პიტერ შტიოგერის გუნდს საკუთარ მოედანზე ბუნდესლიგაში 12 მატჩიანი დაუმარცხებელი სერია აქვს (6მ, 6ფ).

  • "კიოლნს" დიდ გუნდებთან თამაში უჭირს. "თხებმა" პირველ რვა პოზიციაზე მყოფი გუნდების წინააღმდეგ ვერცერთხელ ვერ იმარჯვეს.

  • 46 წლის გერმანელი მსაჯი "ბაიერნის" თამაშზე მიმდინარე სეზონში მესამედ იმუშავებს. მან ჯერ "რეკორდმაისტერისა" და "მ.ბორუსიას" მატჩი განსაჯა ბუნდესლიგის მე-8 ტურში (2:0), შემდეგ კი გერმანიის თასის თამაშზე იმუშავა "ვოლფსბურგის" წინააღმდეგ (1:0).
скачать dle 11.1смотреть фильмы бесплатно

ფეხბურთის ანგარიშები იხილეთ აქ - LIVESCORE

ასევე იხილეთ თემაზე:
პრევიუ ბუნდესლიგა
მსგავსი სიახლეები
კომენტარები
კომენტარის დამატება
ქართული კლავიატურის ჩართვა/გამორთვა ბეჭდვის დროს კლავიშით "~"
  • bowtiesmilelaughingblushsmileyrelaxedsmirk
    heart_eyeskissing_heartkissing_closed_eyesflushedrelievedsatisfiedgrin
    winkstuck_out_tongue_winking_eyestuck_out_tongue_closed_eyesgrinningkissingstuck_out_tonguesleeping
    worriedfrowninganguishedopen_mouthgrimacingconfusedhushed
    expressionlessunamusedsweat_smilesweatdisappointed_relievedwearypensive
    disappointedconfoundedfearfulcold_sweatperseverecrysob
    joyastonishedscreamtired_faceangryragetriumph
    sleepyyummasksunglassesdizzy_faceimpsmiling_imp
    neutral_faceno_mouthinnocent1488bb5d07biggrindeu
    drinkse05a53f56fcde85da04e41c18eb4b398fan_deutschefcbfcbayernfcbflagge2germanyy
    lolthumbsantatooooralonso1alonso2lewymuller1
    muller2neuerribery1ribery2robben1robben2vidal1
კოდის განახლება

მატჩები


სატურნირო მდგომარეობა