კინგსლი კომანის წასვლა მიუნხენის "ბაიერნიდან" კიდევ უფრო რეალური ხდება.
გერმანული გამოცემა Sky Sport-ის ინფორმაციით, 23 წლის გარემარბის დამატებით ესპანური გრანდები, მადრიდის "რეალი" და კატალონიის "ბარსელონა" ინტერესდებიან.
მოგეხსენებათ, "რეკორდმაისტერი" ლეროი სანეს ტრანსფერთან ძალიან ახლოსაა და დიდი ალბათობით, ფეხბურთელი სამშობლოში მომავალ ზაფხულს დაბრუნდება. ეს კი კომანის წასვლის შანსებს ერთი-ორად ზრდის.
წყაროს ცნობით, "ბაიერნს" ახალგაზრდა ვინგერის გაყიდვა არ სურს, თუმცა, ზემოხსენებული მიზეზის გამო თავად კომანმა შეიძლება აირჩიოს კლუბის დატოვება. ჯერ-ჯერობით უცნობია, რა თანხის გადახდას აპირებენ ესპანური გრანდები მის სანაცვლოდ.