მიუნხენის "ბაიერნის" რიგებში ახალი კონტრაქტების გაფორმების ტენდენცია კვლავ გრძელდება.
გერმანული გამოცემა Bild-ის ინფორმაციით, შემდეგი "რეკორდმაისტერის" მოთამაშე, რომელიც ხელშეკრულებას გაახანგრძლივებს დავიდ ალაბაა.
წყაროს ცნობით, კლუბმა და ავსტრიელმა მცველმა შეთანხმებას მიაღწიეს, რომლის მიხედვითაც ხუთწლიანი კონტრაქტი გაფორმდება, ფეხბურთელი კი ანაზღაურების სახით საშუალოდ 15 მილიონ ევროს მიიღებს წელიწადში.
შეგახსენებთ, რომ "ბაიერნმა" გასული თვის განმავლობაში კონტრაქტები გაუხანგრძლივა მანუელ ნოიერს, თომას მიულერს, ჰანს ფლიკსა და ალფონსო დეივისს.