...

მ.ბორუსია 0:1 ბაიერნი - მატჩის ანალიზი

დღეს მიუნხენურმა გრანდმა ბუნდესლიგაში მორიგი გამარჯვება მოიპოვა და მიუნხენგლადბახის "ბორუსია" სტუმრად თომას მიულერის ერთადერთი ბურთით დაამარცხა.

ახლა კი გთავაზობთ მატჩის დეტალურ ანალიზს.

მატჩის მსვლელობა

პირველ რიგში აღვნიშნოთ, რომ მიუნხენგლადბახის "ბორუსიამ" შესუსტებული შემადგენლობით ითამაშა. გუნდს ოთხი წამყვანი მოთამაშე, მაჰმუდ დაუდი, კრისტოფ კრამერი, ლარს შტინდლი და ფაბიან ჯონსონი, აკლდა. ორი ძირითადი საყრდენის არყოფნაში დიტერ ჰეკინგმა შტიობლს მოედნის ცენტრში გამოცდილი ტონი იანშკე შეუწყვილა, რომელსაც ამ პოზიციაზე ძალიან დიდ იხანია არ უთამაშია. ფლანგებზე ჰერმანი და ჰანი მოქმედებდნენ, შეტევაში კი რაფაელი და იონას ჰოფმანი. თორგან აზარი, რომლის თამაშიც საეჭვო იყო, სათადარიგო სკამზე მოხვდა.

ამ საკადრო პრობლემების გამო "მ.ბორუსიამ" თავის აგრესიულ, შემტევ სტილზე უარი თქვა და მეორე ნომრად მოქმედება ამჯობინა. "ბაიერნი" უპირატესობას თავიდანვე დაეუფლა და პირველივე წუთზე ხიფათი შექმნა, რომელიც არიენ რობენის ზუსტი დარტყმით დასრულდა, მაგრამ იან ზომერმა ბურთი ხელებში დაიჭირა. ამას მასპინძლების პასუხო მოჰყვა და ტონი იანშკე ახლოს იყო კარის აღებასთან, მაგრამ მას ხელი გმირულად ხავი მარტინესმა შეუშალა. "რეკორდმაისტერმა" ბურთზე სრული კონტროლი დააწესა, შეტევებიც ნელ-ნელა გაამწვავა, მაგრამ რეალური ხიფათი არ იქმნებოდა. რიბერი და რობენი ფლანგებზე ბევრს მუშაობდნენ და პირველი 100%-იანი მომენტი ჰოლანდიელმა ვინგერმა შექმნა. რობენი თავის სტილში ცენტრისკენ შევიდა და ჩაახვია, მაგრამ ბურთი ხარიხას მოხვდა, დამატებაზე კი ლევანდოვსკიმ თავით ნახტომში კარგად დაარტყა და ზომერმა ფენომენალური რეაქცია გამოავლინა. "ბორუსიას" ცოტათი გაუმართლა და ფრეს მიაღწია.

შესვენების შემდეგ არაფერი შეცვლილა - მიუნხენგლადბახელები ორგანიზებულად თავდაცვას აგრძელებდნენ, მაგრამ ნაპრალები შეინიშნებოდა და ამ ხარვეზებს "ბაიერნი" სულ უფრო და უფრო უკეთ იყენებდა. ერთ-ერთ ეპოზდში რობენმა აუტიდან ბურთი სწრაფად შეიყვანა და მიულერს საჯარიმოში ჩაუგდო, რომელმაც ძლიერად ჩააწოდა და რობერტ ლევანდოვსკიმ უბრალოდ ხეირიანად ვეღარ დაარტყა. საპასუხოდ შორიდან რაფაელმა გაისროლა, მაგრამ ბურთი კარს ასცდა. 63-ე წუთზე კი ტიაგო ალკანტარამ მცირე შევედრი შექმნა. მან ბურთი მარტინესისგან მარცხენა ფლანგზე მიიღო, წინ ბევრი იარა, ცენტრისკენ შეიწია საჯარიმოში ბრწყინვალე ჩაგდება განახორციელა, რომელსაც თომას მიულერი გამოეხმაურა. 27 წლის გერმანელმა ბურთი მიიღო, ზომერი დააწვინა და მშვიდად გაიტანა - ვინ თქვა მიულერს გოლები ვერ გააქვსო? მან ბუნდესლიგის მიმდინარე კამპანიაში თავი მეორედ გამოიჩინა და კვლავ გასვლაზე.


გატანილი ბურთის შემდეგ მიუნხენური კლუბი ცოტათი მოდუნდა, მაგრამ სანამ ეს მოხდებოდა, რობერიმ დიდებული კომბინაცია გაითამაშა. რობენი მარცხენა ფრთაზე გადავიდა, რიბერის დაუტოვა, ფრანგმა მიიღო და არიენს იდეალური პასით საჯარიმოში შეუყოლა. 33 წლის ჰოლანდიელმა კი ამ ლამაზი კომბინაციის შესაფერისად დაგვირგვინა განიზრახა და ზომერისთვის ბურთის თავზე გადაგდება სცადა, რაც არ გამოუვიდა. ამის შემდეგ კი მიუნხენგლადბახელებმა მოუმატეს და ბოლო ათი წუთი ძალიან აქტიურად ითამაშეს. მთავარი ხიფათი შეცვლაზე შემოსული თორგან აზარისა და იოსიპ დრმიჩისგან მოდიოდა, მაგრამ მიუნხენელები გმირულად იბრძოდნენ. ბოლო წუთებზე სახიფათო დარტყმები ტიაგო ალკანტარამ და იოზუა კიმიხმა დაბლოკეს, რითიც "ბაიერნს" სამი ქულა შეუნარჩუნეს.

კარლო ანჩელოტის გუნდმა მარტში ხუთიდან ხუთი თამაში მოიგო, ბუნდესლიგაში ზედიზედ მეოთხე მშრალი გამარჯვება მოიპოვა და "ლაიფციგთან" სხვაობა 13 ქულამდე გაზარდა - ყველაფერი იდეალურადაა.

ხარი მარტინესი!


"ბაიერნის" ზოგიერთ გულშემატკივარს არ მოსწონს, რომ ხავი მარტინესი დაცვის ცენტრში თამაშობს, მაგრამ მიმდინარე სეზონში 28 წლის ესპანელი ამ ამპლუაში უბრალოდ შეუდარებელია! დღეს ხავი ნამდვილი ხარი იყო, რომელმაც დიდებული მატჩი ჩაატარა და მინდორზე ერთ-ერთი საუკეთესო იყო. მარტინესმა ტიაგო ალკანტარას (102) შემდეგ ყველაზე მეტი (99) პასი გააკეთა და მისი გადაცემების 96% ზუსტი აღმოჩნდა, რაც ფანტასტიკური მაჩვენებელია. ამ ასპექტში მან თვით ხაბი ალონსოც (95%) კი დაჯაბნა. გარდა ამისა, "ბაიერნის" მერვე ნომერმა ორთაბრძოლების 93% მოიგო, რაც ასევე შესანიშნავი შედეგია. ბოლო წუთებზე მარტინესმა საჯარიმოდან არაერთი ბურთი გამოიტანა და ბოლომდე გმირულად იბრძოლა. მან კიდევ ერთხელ დაამტკიცა, რომ ძალიან ძლიერი და საიმედო უკანა ხაზელია. დღეს ჰუმელსი ცოტათი შეუმჩნეველი იყო, სამაგიეროდ მარტინესი ბრწყინავდა.

ტიაგოს ფაქტორი


ამ საღამოს მთავარი გმირი კი უდავოდ ტიაგო ალკანტარაა, რომელმაც ფანტასტიკურად ითამაშა და მიულერს დიდებული საგოლე გადაცემა გაუკეთა. 26 წლის ესპანელმა კიდევ ერთხელ დაადასტურა, რომ მისი როლი დღევანდელ "ბაიერნში" ძალიან მნიშვნელოვანია. ტიაგო ახლა მართლაც საუცხოო ფორმაშია, რასაც ყოველ მატჩში ამტკიცებს. "მ.ბორუსიას" წინააღმდეგ ის ბურთს ყველაზე მეტჯერ (133) შეეხო, ყველაზე მეტი (102) გადაცემაა გააკეთა, რომელთა 87% ზუსტი გამოდგა. ყველაზე მნიშვნელოვანი კი ის არის, რომ ტიაგომ საკუთარ თავზე თამაშის აღება ისწავლა და ახლა მნიშვნელოვან მომენტებში უფრო თამამია, რაც აქამდე, წინა სეზონებში, ნამდვილად აკლდა. კარლო ანჩელოტის თავისუფლებამ ალკანტარას თავდაჯერებულობაზე აშკარად იმოქმედა, რაც მინდორზე კარგად ჩანს.

"ბაიერნი" ახლა ჩინებულ ფორმაშია, რაც მეტწილად სწორედ ტიაგოს ბრწყინვალე თამაშის დამსახურებაა. "ბორუსია პარკზე" ხაბი ალონსომ იდეალური მატჩი ვერ ჩაატარა, სამაგიეროდ ალკანტარამ ყველაფერი შესანიშნავად გააკეთა, ბურთსაც იჭერდა, შავ სამუშაოსაც ასრულებდა და უდავოდ გამორჩეული ფიგურა იყო. მან თავისი მთავარი მოვალეობაც შეასრულა და რამდენიმე სახიფათო მომენტი შექმნა, ერთ-ერთი კი მიულერის გადამწყვეტი გოლით დაგვირგვინდა. ტიაგოს ფაქტორი ამ საღამოს გარდამტეხი გამოდგა.

რობენის გაცხარება


ეს კი ამ თამაშის ყველაზე უცნაური და არასასიამოვნო ეპიზოდი იყო. კარლო ანჩელოტიმ 85-ე წუთზე არიენ რობენი შეცვალა, რომელიც მანამდე ჩინებულად მოქმედებდა, ძალიან აქტიური იყო და როგორც ამბობენ ხოლმე თამაში მისდიოდა. სწორედ ამიტომ, გამოცდილი ჰოლანდიელი მთავარი მწვრთნელის გადაწყვეტილებამ ძალიან გააბრაზა. მან ხელი უხეშად ჯერ რენატუ სანჩეშს, შემდეგ უფროს ანჩელოტის, ბოლოს კი უმცროს ანჩელოტის ჩამოართვა და სათადარიგო სკამზე გაწბილებული დაჯდა. არიენი მართლაც ძალიან უკმაყოფილო იყო და მას ამის საბაბი აქვს, მაგრამ მოდი ამ ეპიზოდს ძალიან სერიოზულად ნუ აღვიქვამთ. გასაგებია, რომ "ბაიერნის" ქომაგებისთვის" ეს არასასიამოვნო მომენტი იყო, მით უმეტეს მაშინ, როდესაც გუნდი დიდებულ ფორმაშია და ატმოსფეროც ძალიან კარგი იყო, მაგრამ ეს უბრალოდ ემოციური რეაგირება იყო.

ალბათ დამეთანხმებით, რომ არიენ რობენი პატარა ბიჭი აღარ არის და ანჩელოტის ამ ცვლილების გამო ყველაფერზე ხელს არ ჩაიქნევს. ეს როგორც უკვე აღვნიშნე უბრალოდ ემოციური გამოვლინება იყო, რასაც სხვა მოთამაშეების რეაქცია მოწმობს. რიბერი და ბოატენგი, იქით კი რაფინია, ბერნატი და ალონსო არიენის გაცხარებას ძალიან მხიარულად შეხვდნენ. ხაბი ვეტერან თანაგუნდელს ამხნევებდა კიდეც, ასე რომ, საგანგაშო მართლაც არაფერია. დიახ, რობენის რეაქცია ცოტათი მწვავე და უცნაური იყო, მაგრამ ამის უკან არანაირი კონფლიქტის ნიშნები არ იმალება. კარლო ანჩელოტი ერთ-ერთი ყველაზე მშვიდი და მეგობრული სპეციალისტია, ამიტომ იმედი ვიქონიოთ, რომ ყველაფერი რიგზე იქნება.

გაზაფხული იდეალურად დაიწყო


კარლო ანჩელოტის მთავარი მიზანი სეზონის ყველაზე მნიშვნელოვანი ნაწილისთვის გუნდის ფორმის პიკზე გაყვანა იყო და იტალიელმა ამ მიმართულებით ბრწყინვალედ იმუშავა. გაზაფხულის პირველი თვე უკვე დასრულდა, "ბაიერნმა" მარტში ხუთი თამაში ჩაატარა, ხუთი გამარჯვება მოიპოვა, 15 გოლი გაიტანა და მხოლოდ ერთი გაუშვა. გერმანიის ჩემპიონატში "რეკორდმაისტერმა" ზედიზედ ოთხი თამაში მშრალად მოიგო და მთავარი კონკურენტი "ლაიფციგი" 13 ქულით ჩამოიტოვა. როგორც ხედავთ, ყველაფერი იდეალურად არის და რაც ყველაზე მთავარია, გუნდის თითოეული მოთამაშე სრულ მზადყოფნაშია. ახლა დუგლას კოშტაა ტრავმირებული, მაგრამ ბრაზილიელი აპრილამდე დაბრუნდება და ანჩელოტი სეზონის მთავარი თამაშებისათვის მზად იქნება.

ამ ეტაპზე "ბაიერნი" მართლაც იდეალურ ფორმაშია და თამამად შეიძლება ითქვას, რომ ამაზე უკეთეს მდგომარეობას ვერც კი ვინატრებდით - გუნდი კარგ ფეხბურთს თამაშობს და ჩინებულ შედეგს დებს, შემადგენლობა სრულია, ატმოსფერო - მშვენიერი, მოტივაცია კი კვლავ ძალიან მაღალი. კარლო ანჩელოტი, როგორც მწვრთნელი, იუპ ჰაინკესს ჰგავს, ამიტომ იმედია, დონ იუპის მსგავსად, ბუნდესლიგის ნაადრევად მოგების მიუხედავად, მოთამაშეებს მოტივაციას შეუნარჩუნებს. скачать dle 11.1смотреть фильмы бесплатно

ფეხბურთის ანგარიშები იხილეთ აქ - LIVESCORE

ასევე იხილეთ თემაზე:
მატჩის ანალიზი ბუნდესლიგა
მსგავსი სიახლეები
კომენტარები
namtvralevi
namtvralevi | 20 მარტი 2017 20:24
რობენი არუნდა გააბრაზონ ეგ იტყვის გადამწყვეტ სიტყვას რეალთან.ნეტა ფინალში ბარსას შევხვდეთ!!!
ანჩელოტი მოუგვარებს რობენს , სხვა არაფერი გვემუქრება შიდა კონფლიქტია საშიში
Mapa T.Dig
Mapa T.Dig | 12 აპრილი 2017 20:13
He was very sick, and for some time it was touch and go, but he is better now.
Срочный Московский ремонт холодильников не дорого в Печатниках
Not bad , I would say. Do you support any football team?
კომენტარის დამატება
ქართული კლავიატურის ჩართვა/გამორთვა ბეჭდვის დროს კლავიშით "~"
  • bowtiesmilelaughingblushsmileyrelaxedsmirk
    heart_eyeskissing_heartkissing_closed_eyesflushedrelievedsatisfiedgrin
    winkstuck_out_tongue_winking_eyestuck_out_tongue_closed_eyesgrinningkissingstuck_out_tonguesleeping
    worriedfrowninganguishedopen_mouthgrimacingconfusedhushed
    expressionlessunamusedsweat_smilesweatdisappointed_relievedwearypensive
    disappointedconfoundedfearfulcold_sweatperseverecrysob
    joyastonishedscreamtired_faceangryragetriumph
    sleepyyummasksunglassesdizzy_faceimpsmiling_imp
    neutral_faceno_mouthinnocent1488bb5d07biggrindeu
    drinkse05a53f56fcde85da04e41c18eb4b398fan_deutschefcbfcbayernfcbflagge2germanyy
    lolthumbsantatooooralonso1alonso2lewymuller1
    muller2neuerribery1ribery2robben1robben2vidal1
კოდის განახლება

მატჩები


სატურნირო მდგომარეობა