...

ათი მოთამაშე სანაკრებო თამაშებზე

ხვალიდან 2017 წლის პირველი სანაკრებო პაუზა დაიწყება და საკუთარი ქვეყნის ეროვნულ გუნდებს მიუნხენის "ბაიერნის" მოთამაშეებიც დაეხმარებიან.

"ზებენერ შტრასის" დატოვება საერთაშორისო მატჩების გამო ათ ფეხბურთელს მოუწია, რომლებიც თვის ბოლოს არ დაისვენებენ და სათამაშო ტონუსში იქნებიან.

პოლდის გაცილება და საკვალიფიკაციო ეტაპი ბაქოში

გერმანიის ნაკრები თავის პირველ მატჩს ხვალ დორტმუნდში, ინგლისის ეროვნული გუნდის წინააღმდეგ, ჩაატარებს. ეს ამხანაგური პაექრობა იქნება, რომელშიც "ბაიერნის" ყოფილი შემტევის, ლუკაშ პოდოლსკის, გაცილება შედგება. ლუკაში თავის 130-ე მატჩს ეროვნული ნაკრების მაისურით "ბაიერნის" სამ მოთამაშესთან, მატს ჰუმელსთან, იოზუა კიმიხთან და თომას მიულერთან ერთად, ჩაატარებს. მანუელ ნოიერი საკუთარ გუნდს ბარძაყის ტრავმის გამო ვერ დაეხმარება. ტრიო ოთხ დღეში ბაქოში გაემგზავრება, სადაც გერმანია მსოფლიო ჩემპიონატის შესარჩევი ეტაპის ეგიდით, აზერდბაიჯანს დაუპირისპირდება.

ესპანეთი პირველი ადგილის შენარჩუნებას ეცდება

ხავი მარტინესი და ტიაგო ალკანტარა ესპანეთის ნაკრებს 24 მარტს მნიშვნელოვან თამაშში დაეხმარებიან. "ფურია როხა" შინ ისრაელს მიიღებს. ოთხი ტურის შემდეგ ჯგუფს ესპანეთი და იტალია 10-10 ქულით ლიდერობენ, ისრაელს კი 9 ქულა აქვს. ოთხ დღეში კი ესპანელები ამხანაგურად საფრანგეთის ნაკრებს დაუპირისპირდებიან.

გადამწყვეტი მატჩები ალაბასთვის და სანჩეშისთვის

დავიდ ალაბა ავსტრიის ეროვნულ გუნდს შეუერთდება, რომელიც ვალდებულია, რომ შინ მოლდოვა დაამარცხოს. მატჩი 24 მარტს გაიმართება. ავსტრიელები  ოთხი ქულით მეოთხე ადგილზე არიან და მხოლოდ სამი ქულის მოგება აწყობთ, რადგან წინააღმდეგ შემთხვევაში, რუსეთში მოხვედრის შანსებს ფაქტობრივად დაკარგავენ. 28 მარტს კი ავსტრია ფინეთს ამხანაგურ შეხვედრაში დაუპირისპირდება.

რაც შეეხება 19 წლის რენატუ სანჩეშს, მისი პორტუგალიის ნაკრები 25 მარტს საკუთარ მოედანზე უნგრეთს მიიღებს. ფერნანდო სანტუშის გუნდს მეორე ადგილზე ცხრა ქულა აქვს და მომავალ მეტოქეს ორით უსწრებს. სამ დღეში კი ევროპის მოქმედი ჩემპიონები შვედეთს მიიღებენ.

ლევანდოვსკი და რობენი უშუალო კონკურენტებს ხვდებიან

პოლონეთის ნაკრები, რობერტ ლევანდოვსკის ლიდერობით, სტუმრად მონტენეგროს შეხვდება, რომელიც პოლონელებს სამი ქულით ჩამორჩება. ადამ ნავალკას გუნდი ჯგუფს ლიდერობს, ამიტომ გამარჯვება თითქმის პირველი ადგილის განაღდების ტოლფასი იქნება.

ვეტერანი არიენ რობენი კი ჰოლანდიის ნაკრები კი სტუმრად ბულგარეთს შეხვდება, რომელიც ერთი ქულით უკანაა. "ნარინჯისფრები" შვიდი ქულით მეორე ადგილს შვედეთთან იყოფს, პირველი კი საფრანგეთია, რომელსაც სამქულიანი უპირატესობა აქვს. 28 მარტს კი რობენი და კამპანია იტალიას ამხანაგურ შეხვედრაში დაუპირისპირდებიან.

მთავარი პერიოდი ვიდალისთვის

ყველაზე დაძაბული თვის ბოლო კი არტურო ვიდალს ელის, რომლის ჩილეს ნაკრები მსოფლიო ჩემპიონატზე მოსახვედრად იბრძვის. 12 ტურის შემდეგ სამხრეთ ამერიკის ზონას ბრაზილია 27 ქულით ლიდერობს, შემდეგ კი ურუგვაი (23), ეკვადორი (20), ჩილე (20) მოდიან. არგენტინას 19 ქულა აქვს, კოლუმბიას კი - 18. 24 მარტს, გამთენიისას, ჩილე უშუალო კონკურენტ არგენტინას გასვლაზე შეხვდება, 29 მარტს კი შინ ვენესუელას ნაკრებს მიიღებს. პირდაპირ მუნდიალის საგზურს პირველი ოთხი გუნდი იღებს, მეხუთე პოზიციაზე გასული ნაკრები კი ოკეანეთის ზონის წარმომადგენელთან ფლეი-ოფს თამაშობს.

იმედი ვიქონიოთ, რომ ათივე მოთამაშე სრულიად ჯანმრთელი დაბრუნდება.скачать dle 11.1смотреть фильмы бесплатно

ფეხბურთის ანგარიშები იხილეთ აქ - LIVESCORE

მსგავსი სიახლეები
კომენტარები
კომენტარის დამატება
ქართული კლავიატურის ჩართვა/გამორთვა ბეჭდვის დროს კლავიშით "~"
  • bowtiesmilelaughingblushsmileyrelaxedsmirk
    heart_eyeskissing_heartkissing_closed_eyesflushedrelievedsatisfiedgrin
    winkstuck_out_tongue_winking_eyestuck_out_tongue_closed_eyesgrinningkissingstuck_out_tonguesleeping
    worriedfrowninganguishedopen_mouthgrimacingconfusedhushed
    expressionlessunamusedsweat_smilesweatdisappointed_relievedwearypensive
    disappointedconfoundedfearfulcold_sweatperseverecrysob
    joyastonishedscreamtired_faceangryragetriumph
    sleepyyummasksunglassesdizzy_faceimpsmiling_imp
    neutral_faceno_mouthinnocent1488bb5d07biggrindeu
    drinkse05a53f56fcde85da04e41c18eb4b398fan_deutschefcbfcbayernfcbflagge2germanyy
    lolthumbsantatooooralonso1alonso2lewymuller1
    muller2neuerribery1ribery2robben1robben2vidal1
კოდის განახლება

მატჩები


სატურნირო მდგომარეობა